Home Comercio RxPro apoyando e Asociacion di Famaceuticonan di Caribe

RxPro apoyando e Asociacion di Famaceuticonan di Caribe

9
0
SHARE
- Advertisement -

ORANJESTAD   (AAN):  Diasabra 19 mei y diadomingo 20 mei, a tuma lugar na Renaissance Convention Center e ‘Spring Meeting 2018’ di e Asociacion di Farmaceuticonan di Caribe.

E aña aki cu e tema di ‘Caribbean pharmacy on the move to innovation’. Manera sponsor di evento aki, Gamma tabata presente representando su software pa boticanan, cual ta RxPro.

RxPro ta un sistema completo di AIS pa distribucion di medicina cu of sin prescripcion, cu tur funcion necesario y cu un sistema di control medico completo. E software robusto aki ta wordo usa na Aruba, Curacao y St. Maarten, unda cu Gamma ta adapta e software specificamente na cada pais individual.

Gamma, den colaboracion cu Botica di Servicio, a duna un demostracion na Botica di Servicio Maria pa e bishitantenan di diferente parti di Caribe cu a bin pa e evento aki.

Na e demostracion aki e bishitantenan por a wak e Baxter machine y con e esaki ta traha conhuntamente cu e modulo di distribuimento di e software di Gamma, RxPro, pa e distribucion eficiente di medicamento na Aruba.

Den parti di atardi riba diasabra, Ralph Brion, Pharmacist di Botica di Servicio, a duna un presentacion na esnan presente na Renaissance Convention Center tocante e distribucion di medicamento na Aruba y con esaki ta mehorando e calidad di cuido na Aruba. Riba diadomingo Koos Veel, Managing Director di Gamma, conhuntamente cu Ate Mulder, Senior Managing Pharmacist di Botica di Servicio, a tene un presentacion tocante e retonan cu boticanan por encontra y con tecnologia por ofrece solucion pa esakinan. Mas specificamente nan a splica tocante e modulonan di RxPro cu ta e E-prescription y e Diabetes module.

Gamma IT Solutions ta gradici e Asociacion di Farmaceuticonan di Caribe pa e oportunidad di ta sponsor y participa den e evento aki.

 

- Advertisement -

DUNA COMENTARIO

Please enter your comment!
Please enter your name here