Home Actividad Especial S.V. Sport Boys cu su 59 aña di celebracion di Fiesta di...

S.V. Sport Boys cu su 59 aña di celebracion di Fiesta di San Juan, Dera Gay

37
0
SHARE
- Advertisement -

ORANJESTAD    (AAN):  Diadomingo awor, 24 di juni 2018  S.V. Sport Boys ta celebra su tradicional Fiesta di Dera Gay riba Dia di San Juan.

Esaki ta di 59 aña ta organisa e fiesta cultural aki, den su forma original pa asina conserva un parti di nos cultura pa e generaccionnan cu ta bini.

E celebracion lo cuminsa pa 6:00 p.m. di atardi cu musica di Cah’i Orgel “El Prufiado” di Sr. Miguel Werleman

Despues ta sigui cu e tradicional buscamento di E bandera geel di San Juan.  Lo bai tin show di un grupo di baile di scol. E climax di e fiesta ta ora cu ta bay over na e baile pa Mata e Gay.

E persona cu logra Mata e Gay ta bira e heroe di e anochi aki y mescos cu esun cu haya e Bandera di San Juan ta ricibi nan premio.

Musica pa e parti aki ta den man di “Tipico Arubano” bao direccion di Mario Croes.

Den club lo sigi cu e mihor pareha bailado di Dera Gay y e mihor grito di Gay.

Despues ta sigui cu un fiesta bailabel na encargo di “Un Brindis” bao direccion di Chelito Dirksz cu un bon repertorio musical pa anima e fiesta te 12’or di marduga.

Un y tur ta keda invita pa bin celebra hunto cu e pueblo di Santa Cruz Pariba e Celebracion di San Juan aki na Sport Boys Club situa na Angochi, cuminsando pa 6:00 pm  cu Musica di Cah’i Orgel

Entrada ta un sonrisa, bar y cushina ta bon surti.

- Advertisement -

DUNA COMENTARIO

Please enter your comment!
Please enter your name here