Home Gobierno Salubridad Publico lo ta activo cu controlnan durante henter aña

Salubridad Publico lo ta activo cu controlnan durante henter aña

86
0
SHARE
- Advertisement -

ORANJESTAD   (AAN): Fuera di e accion riba snacktruck recientemente, tabata tin un accion hunto cu Directie Economische Zaken, hunto cu polis a controla 32 supermercado te awor aki full rond di Aruba. E accion eynan lo sigui segun Ivette Geerman.

Cada un departamento ta controla a base di nan tereno y experticio. Departamento di Salud Publico ta pone atencion riba entre otro fecha di vencimento di e producto, pero tambe limpiesa di e localidad. Con e limpiesa ta.

Departamento di Economische Zaken ta controla riba su prijs y polis ta duna sosten como sterke arm y tambe pone atencion riba vergunning. Eynan por bisa cu 13% tabata malo, di e supermercadonan. Akinan sancion mester a wordo tuma y localidadnan cera. 53% ta bon y 34% ta den e range di mas of menos.

A haya hopi bestia indesea. Vooral den deposito. Den e controlamento aki atencion a wordo poni na esnan cu tin supermercado pa nan percura pa tin un pestmanagement control na su luga. Ta un di e atencionnan cu departamento di salud publico ta pone enfasis riba dje, pasobra, mirando cu bestianan cu ta indesea, nan ta cargado di malesa, asina nan por plama tur e malesanan riba e productonan, cual e consumidornan lo bay come di dje.

Tin localidad cu no ta cumpi cu fecha di vencimento, pero e ta bayendo. No cu ta super hopi, pero aki aya ta haya cu algun di nan no ta cumpli cu fecha di vencimento. Ta momento di concientisacion. Ta suplica pueblo, sea critico na momento cu bo ta cumpra un producto. Wak e fecha di vencemento bon.

Departamento di Salud Publico tey pa controla e supermercadonan, pa wak si nan ta cumpli cu ley y e doñonan ta responsabel. Ora e producto ta den nan mercado, nan ta responsabel pa brinda un producto bon y calidad pa e consumidor. Lo bay sigui activo cu nan control durante henter aña, Geerman a enfatisa.

- Advertisement -

DUNA COMENTARIO

Please enter your comment!
Please enter your name here