Saludo historico entre Kim Jong Un y Donald Trump

    192
    0
    SHARE
    - Advertisement -

    SINGAPORE: President Donald Trump di Merca, y lider di Noord Korea, Kim Jong Un, a topa otro pa prome biaha na Singapore, ta duna otro man dilanti un background di banderanan Mericano y Noord Koreano.

    President Trump a bisa cu e ta pensa cu esaki lo bay ta un ‘relacion fabuloso’, y Kim via di un traductor a bisa, cu Noord Korea mester a pasa un cantidad di obstaculo pa yega na e momento aki.

    Despues nan a pasa pa un reunion cara-cara, nan dos so hunto cu e traductornan, pa como 35 minuut.

    Merca ta bay exigi di Noord Korea, nada mas cu djis denuclearizacion completo di e peninsula Koreano.  Lider di Noord Korea kier pa e sancionnan contra su pais yega un fin.

    Despues di e reunion cara-cara, nan a bay pa un reunion mas amplio hunto cu nan top-conseheronan y un almuerzo di trabao.  Merca ta mirando con e discusionnan entre nan y Noord Korea ta moviendo hopi mas rapido cu a wordo spera.

    Cas Blanco a bisa cu e delegacion di Merca na e reunion mas grandi a inclui Secretario di Estado Mike Pompeo, Chief of Staff John Kelly, y National Security Adviser John Bolton.

    Hopi hende rond mundo ta vigilando e cumbre aki di cerca.  Masha poco a pensa cu nan lo bay mira e dia yega, unda tanto President di Merca y lider di Noord Korea lo sinta na mesa y duna otro man y delibera y negocia.

     

    - Advertisement -

    DUNA COMENTARIO

    Please enter your comment!
    Please enter your name here