Home Impuesto Segun ex Promer Minister Mike Eman 12 mil pensionado lo perde nan...

Segun ex Promer Minister Mike Eman 12 mil pensionado lo perde nan reparatietoeslag

81
0
SHARE
- Advertisement -

ORANJESTAD   (AAN):  “Corto despues cu nos asumi responsabilidad di gobierno na 2009 nos a baha BBO di 3% pa 1.5% y nos a introduci reparatietoeslag pa esnan riba un salario minimo te cu Afl. 2500,= pa luna y nos a aumenta bijstand cu 25%. Tambe nos a duna famianan riba bijstand cu jiu cu ta bai school un schoolkinderentoeslag adicional di Afl. 200,== pa cada mucha. Pa nos pensionadonan nos a crea un repartietoeslag riba nan Pensioen. Nos a haci esaki hustamente pa manera e palabra ta bisa “repareer” e perdida di poder di compra cu especialmente e ciudadanonan aki, esnan riba salario minimo, bijstand of pensionado, a pasa aden cu introduccion di BBO y su inflacion. Awe gobierno ta bai kita e reparatietoeslag di pensionadonan y si nos no cuida nan lo kita reparatietoeslag di tur hende” asina  ex Promer Minister Mike Eman a expresa despues di a gana e caso pa tene un reunion di informacion Diamars 26 di juni na MFA Noord.

Ex Promer Minister Mike Eman ta cita e texto di e ley caminda gobierno ta bai kita reparatietoeslag di esnan cu tin AOV y un entrada adicional: ““De inkomensgrens wordt gesteld op het bedrag, bedoeld in artikel 7, eerste lid, van de Landsverordening algemene Ouderdoms (thans Afl. 1.107,-) het AOV-pension van een alleenstande. Voor degenen die in totaal (pensionuitkering en inkomen) meer dan het bedrag, bedoeld in artikel 7, eerste lid, van de Landsverordening algemene ouderdomsverzekering hebben, geldt dat zij per 1 januari 2019 geen recht meer zullen hebben op een reparatietoeslag”.

Ex Promer Minister Mike Eman ta bisa cu ta trata di alrededor di 12.000 pensionado cu lo perde nan reparatietoeslag desde 1 di januari 2019. Esaki sigur lo conduci na situacion dificil pa nos grandinan. Pa esnan cu tin AOV so ta subi reparatietoeslag cu Afl. 25.== mientras cu gastonan lo subi cu Afl. 100,== riba cada Afl. 1.000,==. Esey kiermen cu defacto e pensionado cu AOV so ta bai perde hopi poder di compra. Esnan cu AOV y entrada adicional ta perde nan reparatietoeslag por completo y mester carga cu e peso completo di aumento di BBO. Un vez mas Aruba ta bai drenta e fase di “sociale verpapupering” manera cu Presidente di Banco Central a bisa tempo cu BBO a bin na vigor. Eman ta hopi preocupa pa pueblo en general y specialmente nos pensionadonan.

- Advertisement -

DUNA COMENTARIO

Please enter your comment!
Please enter your name here