Home Labor Sesenta persona riba Payroll di Caribbean Palm Village ta wordo beneficia cu...

Sesenta persona riba Payroll di Caribbean Palm Village ta wordo beneficia cu e acuerdo di labor nobo

111
0
SHARE
- Advertisement -

ORANJESTAD   (AAN):  Recientemente tabata tin reunionnan pa yega na un acuerdo di labor nobo, pa Caribbean Palm Village. Sr. Hans Vinck, interim Manager Controller di Caribbean Palm Village Resort ta amplia mas.

Esaki a wordo logra den corto tempo ya cu tabata tin full cooperacion di banda di STA pa cual Sr. Vinck ta gradici ya cu a logra tanto pa e compania como pa e empleadonan tambe. Nan ta spera di hiba esey den futuro.

Mirando cu e costo di bida ta subi gradualmente, Sr. Vinck a splica cu e tipo di negoshi di Timeshare mas o menos a pasa su tempo. Door di esey nan ta wordo confronta cu hopi miembro cu tin nan timeshare for di hopi tempo caba, cual algun di nan a fayece y e yiunan no kier sigui cu e timeshare pa x motibo y e timeshare lo bin bek pa e hotel. Esey ta bay ta e reto mas grandi cu nan tin awo. E entrada di e hotel, segun Sr. Vinck, ta e Maintenance Fee cu e miembronan tin cu paga anualmente. Esey pa basta aña ta bahando y lo mester busca un otro forma pa yena e cambernan cu no ta miembro mas, ta e mercado di turismo cu ta yega e hotelnan na Aruba. Aworaki timeshare ta den un transicion di timeshare pa bira un hotel activo.

E hotel ta haciendo inversionnan pa mehoracion y renobacion, y esey ta locual cu e hotel mester traha ariba dje, pa mehora. Pero tabata tin suficiente fondo pa haci inversionnan necesario cu no tabata e momento adecua pa e hotel, pero tabata tin problema cu e pool cu tabata tin lik cu mester a wordo completamento y traha di nobo.

Un total di 60 persona riba Payroll di e hotel ta wordo beneficia cu e acuerdo di labor nobo aki, tanto trahadonan part-time como trahado full time. Te asina leu, declaracionnan di Sr. Hans Vinck, Interim Management Controller di Caribbean Palm Village & Resort.

- Advertisement -

DUNA COMENTARIO

Please enter your comment!
Please enter your name here