Home Comentario Si Gobierno lo reconsidera tuma bek den servicio e docternan Palma, Jaramillo...

Si Gobierno lo reconsidera tuma bek den servicio e docternan Palma, Jaramillo y Rivera

102
0
SHARE
- Advertisement -

Opinion publico ta puntra:

ORANJESTAD (AAN) – Manera ta conoci algun aña atras e docternan di cas dr. Palma y dr. Jaramillo, a wordo bari for di servicio tempo cu Boshi Wever tabata minister di salubridad publico, y e gobierno di AVP a haci mescos cu e dama Internista dr. Rivera.

For di opinion publico nos redaccion a haya e sugerencia pa puntra e actual minister, cu ta mustra un poco mas flexible cu docternan cu a studia den e region, si e y e gobierno actual, lo bay reconsidera tuma e tres docternan aki bek den servicio.

Tur tres ta docternan hopi aprecia y respeta den pueblo. Pa hopi aña un cantidad di pacient a keda desea cu un dia dr. Palma lo bolbe eherce como docter di Cas, pasobra e ta un docter hopi précis den su diagnosticonan y semper a yuda cu bon conocemento di causa.

Dr. Jaramillo tambe tabata tin basta pacient cu tabata contento cu su servicio como docter di cas, y asina mes dr. Rivera como internista, cu tabata pone hopi, pero hopi atencion na e sintoma cu por a parce mas leve den un pacient, pero cu por tabata e comienzo di algo serio y den hopi caso a detecta algo no bon na tempo.

Nan ta docternan cu a proba nan profesionalismo caba, pues tin hopi hende cu kier sa si e gobierno aki si ta conciente cu nan servicio ta di calidad y necesario pa nos comunidad.

Tambe tin ciudadanonan femenino ta puntra si gobierno ta bay duna apertura na mas ginecologo. Tin hopi hende muher cu mester di ayudo di ginecologo pero nan ta sinti cu tin scarcedad y cu afspraak ta tarda hopi pa e motibo aki, y tin biaha cosnan no ta bay bon pa un of otro pacient, precisamente pasobra nan ta wordo atendi den pura, pasobra ta hopi hende muher ta haya cita riba mesun dia y esaki ta haci e spera den e consultanan hopi largo mes.

 

 

- Advertisement -

DUNA COMENTARIO

Please enter your comment!
Please enter your name here