Home General Simposio “Marina protected areas & blue economies…” ta un evento hopi importante

Simposio “Marina protected areas & blue economies…” ta un evento hopi importante

19
0
SHARE
- Advertisement -

Sra. Indra Zaandam:

ORANJESTAD (AAN) – E Comision Flora y Fauna di Aruba a haya hopi importante pa nan tuma liderazgo riba cuido y proteccion di nos medio ambiente.

Asina sra. Indra Zaandam a menciona den conferencia di prensa di gobierno Diahuebs. El a menciona cu despues di a hiba un combersacion honesto, pasobra nan a ripara cu como parti di e ministerio, nan tin e ambicion pa transforma algun reto cu tin, den oportunidadnan y nan sa tambe cu tin hopi espacio pa nan por siña di otro, di nan mes, di comunidad y di nan partnernan tambe.

Relaciona cu e Simposio: “Marine protected areas & blue economies, lessons to be learned”,  sra. Zaandam a menciona cu sr. Arian de Gruner, cu ta e orador cu ta bin ta un expositor di Wereld Natuur Fonds, cu ta un organizacion internacionalmente conoci y renombra riba e tema di medio ambiente.

Nan ta enfoca riba tres aspecto cu ta: 1. Proteccion di especienan cu ta core peligro di extincion; 2. Proteccion di areanan di habitat cu ta core peligro di wordo destrui; 3. Cera colaboracion cu partnership cu diferente instancia y pais manera Aruba.

E comision ta sumamente honra cu nan ta bin hiba discurso den e Simposio.

Pa e comision ta hopi importante ta sigui papia tocante kico nos ta pensa riba nos medio ambiente. El a subraya cu tin diferente grupo cu ta haya e tema aki sumamente importante, y por wak esey riba facebook y corant, pa asina crea concientizacion pa loke ta trata nos medio ambiente.

E dama a subraya cu nan no ta yame discusion sino retorica pero combersacion unda hunto lo yega na locual ta e meta di Aruba y su vision pa cu nos medio ambiente.

E evento aki ta abierto, y e ta tuma lugar na Universidad di Aruba pasobra e ta un lugar simbolico unda cu hende ta bin haya nan educacion. Indra Zaandam ta invita comunidad completo pa asisti na e simposio aki.

 

- Advertisement -

DUNA COMENTARIO

Please enter your comment!
Please enter your name here