Home Labor Sindicalistanan tin cu adapta nan mes na e era nobo di digitalizacion

Sindicalistanan tin cu adapta nan mes na e era nobo di digitalizacion

12
0
SHARE
- Advertisement -

Adrie Williams di APVO Curacao:

ORANJESTAD (AAN) — E lider di e Sindicato di Empleadonan Publico di Curacao (APVO) sr. Aldrie Williams, a subraya den entrevista cu nos redaccion, den cuadro di un dia di estudio organiza pa Sindicato TOPA, cu sindicalismo ta dinamico. Esey ta nifica cu mester adapta na e circumstancianan manera e mundo ta awe.

Si nos bay bek na aña 1886 bin abao, tempo cu e revolucion industrial a surgi, e sindicalistanan y trahadornan di e tempo ey a kere cu e desaroyo aki lo a stroba nan pa haya cuponan di trabao y nan a dicidi di kima hopi fabrica, pasobra ta e machine tabata nan enemigo.

Esey a trece hopi friccion, y aworaki nos ta den mesun situacion cu e desaroyo di digitalizacion y automatizacion cu ta afecta e comunidad na un forma asina fuerte, cu e sindicatonan mester prepara nan mes den e direccion aki, pasobra mundo no a caba. Ta bay tin funcionnan nobo den e tipo di servicionan aki, pa locual e sindicatonan tin cu prepara nan mes.

Pesey mester prepara lidernan nobo, cu ta compronde e situacion di digitalizacion, e era di networking, e era di actividadnan pa medionan social, y kizas aki poco dia e situacion lo bira cu no tin welga mas riba caya pero via medionan social por ta lo tin accionnan cu tin mas peso cu esnan custumbra riba caya.

“Nos como organizacionnan mester sinta wak, evalua con ta e proceso, kico ta miho pa e comunidad, y na kico nos tin cu adapta nos mes na e circunstancia cu e ta” sr. Williams a subraya.

 

 

 

- Advertisement -

DUNA COMENTARIO

Please enter your comment!
Please enter your name here