Home General Smart Community Aruba lo duna chens pa test real di tecnologia sostenible

Smart Community Aruba lo duna chens pa test real di tecnologia sostenible

56
0
SHARE
- Advertisement -

ORANJESTAD (AAN): Esnan cu ta trafica den area di Kibaima, por a ripara cu tin movecion den e verkaveling eybanda.

Ta trata aki di Smart Community Aruba (SCA): un proyecto di 20 cas mas un centro pa bishitante. Diabierna 15 juni ultimo a tuma luga e apertura oficial di e comunidad inteligente na Kibayma, den presencia di su excelencia Gobernador di Aruba, Alfonso Boekhoudt, Vice Minister Presidente Otmar Oduber, Minister Rudy Lampe y demas invitadonan distingui.

Meta principal di e proyecto piloto aki ta pa haci experimentonan cu por aporta na un desaroyo sostenibel di nos pais y aportando na un economia circular. Pa logra esaki e resultadonan y lesnan di e investigation lo keda publica na benificio di henter e pueblo di Aruba, sector priva y e sector educativo. Despues di a completa e fasenan di diseño y construccion na januari ultimo, a recluta personanan cu ta dispuesto pa participa den e experimento hunto cu e consorcio di  partnernan FCCA, Utilities Aruba, WEB Aruba NV, NV Elmar, Setar NV, TNO Caribbean Branch y Gobierno di Aruba.

Awor cu mayoria di e casnan ta habita, ta inicia e proceso di experimento cu lo tin un duracion di 5 aña. Pa FCCA e obhetivo principal ta pa investiga e efectividad di material di construccion sostenibel cu despues por aplica pa casnan social rond di Aruba. Pa e motibo aki tur e 15 casnan actual tin  materialnan sostenibel diferente. Pa e companianan di utilidad e obhetivo principal ta pa investiga uza mas conciente di awa y coriente.

E ceremonia a inicia cu discurso di mandatarion Ministernan Lampe y Oduber y representate di consorcio di Smart Community, Sr. Robert-Jan Moons. Despues conhuntamente e mandatarionan, e directornan di e partners nan di e consorcio y di e habitantenan di Smart Community, a lansa un video impresionante cu a visualisa e realisacion di e proyecto innovativo aki. E invitadonan despues a haya oportunidad pa bishita e centro pa bishitante y tambe un di e casnan den Smart Community. A manda un palabra special di gradicimento na tur habitante di Smart Community cu a kere den e proyecto y ta dispuesto pa aporta na e proyecto innovativo aki.

E areanan di investigacion pa cu e Smart Community ta tecnologianan cu ta conduci na eficiencia di energia den construccion, generacion di energia di solo y biento decentral, integracion di energia sostenibel den rednan di electricidad inteligente, tratamento y re uzo di awa y transporte electrico pa consumidornan. Tambe lo haci experimento cu  agricultura innovativo y maneho di desperdicio den bario. Finalmente lo enfoca riba e aspecto humano manera comportacion sostenibel di habitantenan y nan aceptacion di uzo di tecnologia sostenibel. Smart Community na mes momento lo ofrece facilidadnan di investigacion den un plataforma habri di innovacion na compania y institucionnan cu ta desea di test nan innovacionnan specifico.

- Advertisement -

DUNA COMENTARIO

Please enter your comment!
Please enter your name here