Home Comercio SNAB no ta basa su vision di desaroyo pa San Nicolas den...

SNAB no ta basa su vision di desaroyo pa San Nicolas den e refineria

12
0
SHARE
- Advertisement -

Presidente Andres Hernandez:

ORANJESTAD (AAN) – Den conferencia di prensa yama pa Minister Chris Romero, e presidente di SNAB (San Nicolas Business Association) tambe a hiba palabra, y el a indica cu si entorno na e fast ferry, nan ta traza un trabao conhunto cu gobierno y e comerciantenan cu ta interesa plus esnan cu ta existi pariba di brug, combina cu actividadnan turistico y comercial, na San Nicolas, e ta bay bira un exito.

Fuera di esaki nan ta spera un confirmacion di RDA pa pone un ehecutivo, pa por ta un poco mas cla tocante kico ta posible y kico no, riba e tereno cu nan ta papiando di dje, cu no ta mas di e refineria pero di gobierno di Aruba “y hopi sorry, e ta di San Nicolas”!

Tambe nan ta spera un ehecutivo di CITGO pa tambe ta presenta Diamars 26 di juni, pa duna un update riba e refineria pa sa un poco mas for di palabra di e persona, tocante kico ta come y bebe na e momento aki tras di e muraya ey, pa pueblo sa kico por spera y kico no.

“E refineria ta un parti cu nos ta toca masha levemente den nos vision, mas tanto pa e polucion, pero no cu nos ta basando e desaroyo di San Nicolas, cu nos tin un vision riba un refineria habri of cera. Nos mester corda cu e refineria tabata habri caba y nos no tabata tin mas di 50 porciento di comercio na San Nicolas”, sr. Hernandez a conclui Finalmente, sr. Hernandez a gradici Minister Romero, cu a tuma e decision di asisti na SNBA su “Town hall meeting” y duna nan e update priva “gobierno-ferry”.

- Advertisement -

DUNA COMENTARIO

Please enter your comment!
Please enter your name here