Home Gobierno Ta interesante pa mira diferente desaroyo andando riba leynan fiscal

Ta interesante pa mira diferente desaroyo andando riba leynan fiscal

71
0
SHARE
- Advertisement -

Luenne Pieters:

ORANJESTAD   (AAN): Segun Luenne Pieters, hefe di Departamento di Impuesto,  e cumplimento den comunidad cu leynan fiscal ta canando, si papia di inkomstenbelasting. Winstbelasting tambe tin su sistema cu si bo declara a base di e voorlopige aangifte y bo ganashi di aña pasa y despues a sali for di jaarrekening 2018, e negoshi su ganashi tabata menos, tambe bo ta haya e restitutie pa loke ta winstbelasting. Tambe loke ta interesante pa mira ta e desaroyonan cu tin riba procesamento di inkomstenbelasting.

Manera cu a bin ta informa clientenan, Departamento di Impuesto a finalisa 2013 y a cuminsa cu 2014. Den e aña aki, ta premira pa luna di Juli por keda cla.

2015, e template digital ta den su testfase, pa asina cu keda cla cu 2014 cuminsa cu 2015. Ta dura tres luna di tempo pa por procesa e aangiftenan cu ta entrega y despues ta sigui di biaha cu 2015, caminda cu pa fin di aña ta spera cu lo por duna e noticia cu ta cla cu e procesamento di e aangiftenan cu a wordo entrega pa 2015.

2016 a wordo entrega awor aki na April y ta sigui di biaha cu 2016 y ta bay saca tambe e declaracion di 2017 cu ta bay sali dia 1 di Juli 2018.

Manera cu saca e declaracion aki, tambe lo kier keda mantene e pace cu ta bin ta traha pa asina aki falta 2016 y 2017 so pa procesa pa por ta completamente bij. Kier pa den e prome mita di aña 2019 cu por informa pueblo cu nan ta completamente bij cu e atrasonan manera cu ta conoci, di e restitucionnan.

Tin cu menciona si cu tin restitucionnan cu ta sali afo di inkomstenbelasting regeling, pero tin hende tambe cu tin cu paga. No mester perde for di bista cu ta canando duro pa haal in e atraso. Di un otro banda tambe ta haya e comentario cu a caba di haya 2012, 2013, 14, 15 y 16. Si tin cu paga awo, con ta bay haci, pasobra tin un areglo di pago caba cera pa 11, 12, 13, 14 ta bin su trad, 15, etc.

Acudi semper na Departamento di Impuesto. Tin funcionarionan riba invordering cu ta monitorea esaki di cerca. Ora tin un cobransa cu tin cu worgo paga, tin cu cumpli tambe cu e reglamento di pago. Semper por añadi un aanslag nobo ora cu tin un areglo di pago caba in place. Departamento di Impuesto ta asina flexibel  pa bisa cu si tin un areglo di pago caba cera pa 13 y 14 por ehempel, of 12 cu 13, 14 ta bin su tras, 15 su tras, cu por añadi esaki den un areglo di pago existente caminda cu ta bay wak e situacion financiero atrobe di e cliente, wak kico e por paga y wak kico por hinca den e areglo asina ey, pa e impuesto wordo paga.

E restitucionnan no ta wordo presupuesta. Loke si ta wordo presupuesta ta e inkomensverhoging, esta loke ta hisa, loke ta trece na impuesto aden. Si ta tene cuenta cu ora raporta, ta raporta e saldo, kiermen si bisa cu ta bay trece tanto placa aden y ta paga tanto restitucion, e tin un efecto naturalmente riba e totalidad.

Ta tene cuenta cu esey. Te reporta individualmente tambe riba cuanto cen a restitui pa aña y asina ey ta traha un plan tambe, un jaarplan, pa 2020. Pa 2018, tabata tin 13 te cu 16 hinca den e plan. Naturalmente ta pusha pa keda cla mas lihe. Mas lihe keda cla, mas lihe ta bij cu tur trabao. E ta hopi mas agradabel pa traha, no solamente pa e trahadonan di e Departamento di Impuesto, pero tambe pa e cliente. Kier yega caminda un cliente ta entrega su declaracion di impuesto y den e mesun aña e ta haya su restitucion, pa asina tur cos por cana segun compas, Louenne Pieters a comenta.

- Advertisement -

DUNA COMENTARIO

Please enter your comment!
Please enter your name here