Home Gobierno Ta kita huur di Rietveld Academie pero tin placa pa huur edificio...

Ta kita huur di Rietveld Academie pero tin placa pa huur edificio di sponsor

110
0
SHARE
- Advertisement -

Parlamentario Arthur Dowers

ORANJESTAD (AAN); No por tin ehempel mas grandi y mas serio pa mustra incapacidad di e gobierno actual  y e falta di vision real caminda realmente e hende mester ta central, ora cu mira con un minister ta manda avisa Rietvedl Adademie cu gobierno lo no paga huur mas pa nan edificio, mientras un otro minister cueste loke cueste ta dicidi di prolonga huur di un edificio na Pos Chikito pa acomoda esunnan cu a sponsor su campaña.

“Loke pueblo por ripara den ultimo dianan ta cu Aruba no tin un gobierno cu ta trahando uni pa cumpli cu nan promesa di pone e hende central, pero practicamente tur minister ta un gobierno riba nan mes y ta tuma decision pa tuma, sin cu e interes general di pueblo ta worde sirbi.

Nos por a mira maniobranan cu ta worde haci, trikinan inventa pa trata di hustifica un decision incorecto y inhusto contra pueblo, di alargacion di contract di huur despues cu gobierno di AVP a dicidi di bay cu e departamento di DTI pa un edificio mas adecuado y mas moderno pa duna miho servicio na comunidad.

Na prome instante a dicidi cu tur oficina di Serlimar cu ta situa na San Nicolas lo muda bin Pos Chikito sin hustificacion algun ya cu tur oficina actual ta den bon estado y sin problema algun y ora cu a nota cu e excuus aki a worde bari for di mesa, a inventa otro splicacion, cu ta di pone un centro di reciclahe di sushi den e edificio na Pos Chikito ya cu prome cu a dicidi kico ta bay den e edificio aki, ya e minister di infrastructura a prolonga e huur di e edificio.

Nos tur por corda con su colega minister di finansa, a bay den conferencia di prensa y confirma cu e decision a cay y a aproba pa establece na elugar aki, un centro di reciclahe cu simplemente ta inaceptabel cu ta pone un proyecto asina den un centro habita.

Pa desvia atencion di e cantidad di protesta cu a surgi pa e idea desastroso aki, e minister ta bay den conferencia di prensa y ta mustra cu ta prensa a compronde robes, cu ta mal informacion ta worde duna y pa trata di hustifica e cuestionamento riba e suma di huur di e edificio, el a dicidi di inventa un tipo di ‘baratiyo’ di huur señalando cu e huur no ta di 50 mil pa luna pero di 28 mil pa luna, loke ta lanta e duda si a bolbe core cambia e contract di huur cu a worde firma algun luna atras caba y cu gobierno ta pagando caba pa algun tempo.

E aspecto mas bochornoso y cruel cu a surgi e siman aki ta ora cu Minister di Enseñansa ta dirigi un carta na Rietveld Academie mustrando e instituto aki cu e academa y su studiantenan tin cu bay otro caminda ya cu gobierno no tin placa pa paga huur di e centro aki.

Un centro cu ta sirbi interes di hobennan, cu ta percura pa  un aspecto importante den formacion artistico y cultural di nos hendenan y sin pensa dos bes, ta corta e pago di huur di esaki pero pa huur mucho mas costoso pa cumpli cu sponsor di campaña, sin tin placa y aki tin cu menciona cu no ta solamente e minister di infrastructura tin cu worde cuestiona pa esaki, pero tambe e minister di enseñansa cu no a duna indicacion pa atende c’un proyecto importante manera e academia aki ta representa.

Fuera di esaki nos por a tuma nota cu gabinete Wever Croes, cu siman pasa a worde atendi pa  e comision di supervision financiero CAft cu nan tin cu trece cambio den presupuesto de lo contrario lo haya un KB,  no ta papia di esaki, no ta atende cu e situacion serio aki pero si tin tempo pa busca excuus barata pa regla contract di huur pa amigo y sponsor di partido,” Parlamentario Arthur Dowers a señala.

- Advertisement -

DUNA COMENTARIO

Please enter your comment!
Please enter your name here