Pa representa Aruba na Denver Colorado den e show di “Be beautiful be yourself”
ORANJESTAD (AAN): “Global Down Syndrome Foundation” organisacion na Merca ta uno publico sin fin di lucro cu ta dedica su mes pa significantemente mehora e bida di hendenan cu Down Syndrome, pa medio di laga haci investigacion den tanto cuido medico educacion y sosten.
Global Down Syndrome Foundation ta haya yudansa di nan vocero Internacional Quincy Jones y demas embahadornan. E Fashion show aki cada aña ta birando mas grandi y na 2017 nan a recauda 21 miyon dollar pa e hospital cu nan tin specialmente pa hendenan Down Syndrome.
E organisacion aki ta haya sosten di artistanan grandi manera: Jamie Fox, Queen Lativa, Terrance Howard, Matt Dillon, modelo profesional Amanda Booth, Marisa Tomei, Joe Manganiello, John C. McGinley, Eva Longoria y mas artistanan.
Nan siguiente show lo ta dia 20 di October venidero na Denver Colorado. Y e bon noticia ta cu un hoben di Aruba a wordo scogi pa tambe ta den e Fashion Show aki.
E biaha aki Tanique Chan un hoben di 14 aña di edad lo representa Aruba na The Be Beautiful Be Yourself Fashion Show. E ta yiu muher di Regina y Tack Chan.
Tabatin un evento recien na Aruba den Renaissance Convention Center unda Tanique a modela riba e runway hunto cu Celebridad local Anaisa Orman el a modela cu hopi estilo y asina a wordo scogi door di Global Down Syndrome Foundation pa representa Aruba.
Tanique ta alumno di School Duna Un Man y ta den 5de klas. Esun cu a prepara Tanique pa e show aki ta Chastity Hodge di The Chaz Model and Talent School.
Kier a desea Tanique for di awor caba tur clase di exito na e actividad aki yena di artistanan grandi di Merca dia 20 di October venidero na Denver Colorado.
