Home Tempo Te ainda pronostico ta cu area di Caribe lo pasa den un...

Te ainda pronostico ta cu area di Caribe lo pasa den un temporada mas fuerte di horcan

27
0
SHARE
?
- Advertisement -

Sr. Barkmeyer di Meteo:

ORANJESTAD (AAN) – Den entrevista cu Matutino DIARIO, sr. Dave Barkmeyer, di Servicio Meteorologico di Aruba, a señala cu e atmosfera pa e temporada aki ta normal, por ehemplo e stof cu biento ta trece pa nos.

Tin concentracionnan mas halto y menos halto y asina e ta pa algun siman caba. Sr. Barkmeyer a comenta cu riba satelite dish por observa e concentracion halto ora ta bin for di Africa, pero ora e ta yega Caribe ta bira menos denso.

E funcionario a indica cu for di mas cu un siman caba, nan ta anuncia cu tin stof fini suspende den aire, etc.

Barkmeyer a splica tambe cu por mira hasta den autonan con nan ta yena di stof, y aunke e no kier drenta den tereno di medicina, e tin entendi cu pa e temporada aki diferente persona ta haya cierto problemanan respiratorio, alergia, entre otro.

Mirando cu nos ta drentando den temporada di horcan e ta aconseha comunidad pa semper keda scucha e boletinnan di tempo y lesa corant, pa asina haya e informacion mas update cu tin.

E prediccionnan cu tin for di April ultimo ta cu e aña aki lo haya un temporada di horcan mas fuerte cu normal, na lugar di 12 lo por spera 14 tormenta tropical, en bez di seis horcan lo tin siete, y na lugar di dos horcan mayor lo tin tres.

Ademas di esey tin e 52% di probabilidad cu nan lo ta mas halto cu e temporada anterior cu tabata 42%,  cu un di e ciclonnan aki lo mishi cu un di e islanan di Caribe.

Sr. Backmeyer a indica tambe cu e volcan di fuego cu ta den erupcion na Guatemala lo no tin efecto riba nos region. E siman aki el a manda shinishi te cu 50 mil pia y e ultimo tabata 30 mil pia. Pero na dado momento ta e paisnan den vecindario (den e caso aki Centroamerica) pero nunca e fenomenonan asina a trece efecto cerca nos ni pa aviacion, ni nada otro.

- Advertisement -

DUNA COMENTARIO

Please enter your comment!
Please enter your name here