Home Gobierno Te cu awor gobierno no tin ningun indicacion cu lo no ricibi...

Te cu awor gobierno no tin ningun indicacion cu lo no ricibi e entradanan presupuesta

98
0
SHARE
- Advertisement -

Segun Minister Xiomara Ruiz-Maduro:

ORANJESTAD (AAN) – Pa locual ta e entradanan na e momento aki gobierno no tin ningun indicacion cu lo mester duda pa realisacion di locual ta e parti di Refineria di Aruba pasobra ya cu nan a cuminsa cumpli cu nan pago. Esaki a wordo informa tambe na Cft segun Minister di Finansa, Asuntonan Economico y Cultura.

Continuando pa locual ta e preocupacionnan di Cft den su raport cu lo tin un “dubbeltelling” di entrada di ATA, gobierno a trece dilanti cu awor ta hopi prematuro y mester warda e jaarrekening pa por saca un conclusion. Si acaso mes e preocupacion di Cft bira realidad, gobierno a indica na Cft cu despues di a presenta e Presupuesto 2018, Banco Central a informa cu di nan ganashi, gobierno lo ricibi minimo 5 miyon florin, pues aki a indica na Cft cu no tin motibo pa tin preocupacion y tin placa pa cubri e presupuesto y e deficit lo no bira mas grandi.

Pa locual ta trata e debe, na opinion di gobierno, Cft a sali di un informacion cu no ta corecto. Ora cu ta haci e calculacion, tin cierto cosnan cu bo tin cu tuma na cuenta. Den e calculacion Cft a sali for di un punto di bista eroneo.

Den gobierno su contesta na Cft cual a wordo manda pa prensa tambe fin di siman, a splica como cu Cft ta sali di un punto di bista eroneo, Cft ta yega na un otro conclusion cu gobierno.

Minister Xiomara Ruiz-Maduro ta enfatisa den e conferencia di prensa cu Gobierno a splica Cft con nan ta mira e situacion y cu Aruba ta keda den e cuadro di locual a premira den presupuesto 2018 y tambe den e Memorandum Financiero Economico.

 

- Advertisement -

DUNA COMENTARIO

Please enter your comment!
Please enter your name here