Home Turismo Timeshare Association a revela cu nan tambe a reuni cu CAft pa...

Timeshare Association a revela cu nan tambe a reuni cu CAft pa intercambia informacion

19
0
SHARE
- Advertisement -

ORANJESTAD (AAN): E miembronan di Aruba Timeshare Association a reuni pa nan reunion mensual di almuerzo na La Cabana Beach Resort & Casino cu representantenan di mayoria propiedadnan vacacional di e isla, como tambe varios parternan strategico presente.

Presidente di ATSA, Ursell Arends, a yama bon bini na e miembronan y bishitantenan prome cu el a habri e reunion oficialmente cu e aprobacion di e notulanan di e reunion di 19 di april 2018.

E prome invitado riba agenda tabata Ross Brezovar, di ROI Marketing, kende a educa y informa e forum tocante oportunidadnan nobo di marketing a traves di FB Messenger, cu ta permiti programadornan local pa personalisa e plataforma pa asina combersacion cu huespednan directamente via FB Messenger ta disponibel pa esunnan cu abona, cual ta habri un combersacion directo, di manera facil y oportuno cu e hotel of cualkier otro proveedor di servicio. Brezovar a splica cu ‘Ask Aruba’, un concierge digital lo duna servicio na cliente 24 ora, 7 dia pa siman, como specialista informa di Aruba.

E siguiente presentacion di CEDE Aruba a consisti di e resultadonan di e encuesta den preparacion pa un proximo “Happy Community Initiative”, dirigi na e retonan social local pa actividadnan proponi pa recauda fondo den hotelnan participante di ATSA. E encuesta a worde realisa pa Marielsa Arends-Croes y Mendy Steenken Wever, MGM Source, kendenan a colabora cu un business case report parcial, encarga pa Daniel Techlenbird.

Hoteleronan Andy Osbourne y Freddy Albertus a duna un resumen cortico di nan experiencia na ARDA World, e evento global di timeshare na Las Vegas na principio di mei, y nan a informa cu un mayoria parti tabata hopi informativo, reconociendo e fortalesanan di e industria y celebrando e logronan mundialmente.

E siguridad den e area hotelero y na Eagle Beach a ricibi mayor atencion cu consensus general, pa reuni cu KPA pa papia tocante un plan pa tackle un serie di retonan actual basa riba varios desaroyonan recien.

Presidente Arends despues a informa cu un representacion di ATSA recientemente a realisa un intercambio di informacion cu CAft, a peticion di CAft, cu e deseo di haya informacion tocante prestacion di e industria.

ATSA a comparti e resultadonan di e estudio recien di Impacto Economico, y e corespondencia cu e Prome Minister y Minister di Turismo cu a describi e preocupacionnan di e asociacion, no solamente cu respecto di turismo sino tambe cu respecto na otro aspectonan di bida riba e isla.

CAft a bay di acuerdo cu mientras prestacion economico mester worde stimula pa por crece, mester reduci gastonan gubernamental, specialmente gastonan di personal. Tabata un reunion fructifero y ATSA a solicita un follow-up periodico.

Despues di un peticion di un miembro di personal di Paradise Beach Villas, el a sugeri un intercambio di personal entre e hotelnan di ATSA y e idea nobo aki a worde ricibi positivamente, cu e disposicion di cu dicho intercambionan mester ta tareanan di trabao cu propositonan pa siña empleadonan haci diferente trabao.

E reunion a worde clausura cu un ‘free word’, y presidente Arends a gradici e gerencia y personal di La Cabana Beach Resort & Casino pa organiza un evento agradable cu a inclui un lunch saludabel.

 

- Advertisement -

DUNA COMENTARIO

Please enter your comment!
Please enter your name here