Home Policial Tin diferente fase den opleiding di polis

Tin diferente fase den opleiding di polis

99
0
SHARE
- Advertisement -

ORANJESTAD   (AAN): 120 hende pronto lo bay haya nan certificacion of lo huramenta for di scol di polis. Segun directora di scol di polis, Jeanette Richardson-Baars, nan tin diferente fase den e opleiding. Esunnan cu a cuminsa aña pasa ta haya nan benoeming den e sentido cu nan por bay traha riba caya ora cu nan ta den e fase di stage. Pesey nan mester ta benoemd. E ora ta wak berdad algun hende mas, pero esey ta temporalmente, pasobra esey ta den nan di dos aña di nan opleiding.

Esnan cu ta bay haya nan diploma awor aki, ta e NKO klassen cu ta cla. Esey ta nifica cu nan ta mas riba caya. Y e otronan ta un klas cu ta full cla cu nan MBO-4. Esey ta e klas di 2014 cu ta cabando cu nan ultimo module, y ora nan haya nan diploma, nan lo ta full riba caya.

Presupuesto

A haya permiso pa cuminsa cu e aña aki cu 20 hende. Esey ta regla, segun Richardson-Baars. E lista di deseo ta bastante largo. Naturalmente mester tin e presupuesto pa duna e entrenamento basico. Pero tambe nan tin mester di dje pa haci e voortgezet opleidingnan. E luga temporal cu nan a haya pa e siguiente añanan, ta costa placa tambe. Esey tin cu wordo presupuesta. Mester di mobilario, y tambe digitalisacion na scol. Mescos cu otro scolnan cu a haya nan borchi digital y tambe iPads, scol pa polis tambe kier esey, pa nan no keda atras den e desaroyonan cu tin na mundo. E lista ta wordo presenta na Alto Comisario. Scol di Polis ta un parti di KPA y ta bay bao di su presupuesto. Pero si ta bezig ta wak alternativanan pa fuentenan di placa, manera por ta ora un hende tuma un curso di Buitengewoon Agent por ehempel, pa e placa ey bin den direccion di scol y ta separa di e presupuesto di husticia.

E klasnan

Dependiendo di e presupuesto cu haya pa e aña relevante, por cuminsa cu un klas. Manera aña pasa por a cuminsa cu 36 studiante. A haya un inhaalslaag y e presupuesto a permiti esey. E aña aki a bay bek pa 20 hende y esey ta e standard eigenlijk pa tur klas cu ta cuminsa e basisopleiding.

Exitoso

Den tur klas tin hende cu toch despues di un cierto temporada ta pensa cu esey no ta pa nan. Mester ta realistico. Por ta nan tin un bista di nan mes y con e trabao cu ta hinca den otro cu no ta realistico. Tin hende cu despues ta dicidi riba nan mes pa nan entrega nan retiro, unda cu nan no kier sigui. Tin hende cu durante e opleiding no ta yega e nivel cu ta pidi di nan. Nan ta haya onvoldoende. Esey kiermen tambe cu despues di cierto herexamen, toch ta yega na e conclusion cu nan no por keda mas. Tin di nan durante opleiding ta mustra cu e houding cu kier di nan, no ta manera cu kier. E ora nan tambe ta haya risico pa wordo retira di e opleiding. Di tur 20 hende cu ta drenta, mas tanto dos di cada aña no ta make it pa diferente rason, Richardson-Baars a comenta.

- Advertisement -

DUNA COMENTARIO

Please enter your comment!
Please enter your name here