Home Politica Tin un memorandum falso di MEP ta circulando

Tin un memorandum falso di MEP ta circulando

230
0
SHARE
- Advertisement -

ORANJESTAD (AAN): Aruba ta pasando den temponan hopi dificil.  Nos a hereda un crisis financiero. Un debe di 90 porciento. Situacionnan cu a forsa e Gobierno di Aruba bin cu un “crisisheffing’.

Partido MEP ta condena cu cierto medionan di comunicacion afilia na e partido di oposicion ta kere cu esaki ta un wega. Y constantemente ta hunga cu e sentimento di pueblo cu e unico afan pa yega na poder. Oposicion ta mandando un memorandum rond den nomber di Presidente di Partido MEP y dirigi na directivanan di bario. Pretendiendo cu e carta aki a leak.

Partido MEP ta enfatisa cu e memorandum aki no ta bin di MEP ni di su Presidente. Esaki ta un noticia falso, loke cu awendia ta conoci como “Fake News”. Ningun momento Partido MEP ta pidi nos comunidad pa limita uzo di servicionan na banconan di Aruba. Ademas, Partido MEP nunca ta comunica di e forma aki internamente.

Ta di lamenta cu Partido AVP enbes di ta solidario cu e pueblo aki den e situacion dificil cu nan mes a crea, awo ta hunga wega y pusha e noticianan falso aki y hunga cu sentimento di nos pueblo.

Partido MEP ta pidi pueblo pa no cay den e trampa aki di Partido AVP y medianan compremeti. Nan unico afan ta pa bin back den poder. Nan proposito no ta na e bienestar di e pueblo sino pa sigui enrikese nan mes y hinca nos pais den mas problema.

Den un mensahe cu Lider di MEP, sra Evelyn Wever-Croes a manda rond, e ta pidi nos comunidad pa no cay den trampa di e causantenan di nos problemanan financiero. No cay den trampa di esnan cu no kier contribui na bienestar di nos pais. No cay den e trampa di e coruptonan di mas grandi cu Aruba a conoce. No cay den trampa di ‘Fake News”.

- Advertisement -

DUNA COMENTARIO

Please enter your comment!
Please enter your name here