Home Ciencia y Tecnologia Tin varios aspecto cu tin cu tene cuenta cun’e ora di bora...

Tin varios aspecto cu tin cu tene cuenta cun’e ora di bora den subsuelo

108
0
SHARE
- Advertisement -

Armando Curet:

ORANJESTAD(AAN): E proceso di boramento den nos awanan ta bay cuminsa. Esey ta segun sr. Armando Curet, kende ta director di Compania Arubano di Petroleo. El a sigui splica cu tin un proceso planea di 40 dia, cu ta inclui mobilisacion y despues tambe demobilisacion. Originalmente e dia pa pone boring, ta poni pa dia 15. Afortunadamente tur cos a bay sin mucho problema. A adelanta algun dia. Tin mas of menos e mesun siman caba cu e trabaonan ta tumando luga.

E area ta mas of menos 35 kilometer di distancia for di Aruba. Bo tin un cantidad di rekisito pa tene cuenta cun’e. Pa cuminsa, tin e parti di exploracion pa worde haci. Trabaonan tecnico y cientifico. Pero tambe tabata tin preparacion di Environmental Health Safety Social Impact Assessment cu a worde prepara pa un consultant internacional renombra, cu tabata tin participacion di stakeholdernan, cu ta instancianan di gobierno cu ta envolvi a base di petroleumwet. Tambe tabata tin participacion di input di banda di NGO’s nan.

No solamente organizacionnan ambiental, pero tambe di turismo etc. Input di e gruponan aki a worde hinca den e estudio y tin un cantidad di rekisitonan legal tambe y informacionnan cu e contratista, den e caso aki Repsol, tin cu entrega na diferente departamento di gobierno. Tur e trabaonan aki a worde haci.

Pa cumpli cu e rekisitonan di ley tin tambe rekisitonan den e contract cu pa loke ta trata diferente aspecto di medio ambiente por ehempel, ta bay mas te hasta di loke nos tin den leynan. Tin un cantidad di cos. Por ehempel e mesun uzo di helicopter pa transporta personal for di riba tera pa e plataforma. No por haci’e sin cu tabata tin aprobacion di banda di departamento di aviacion, segun Curet.

Segun Curet, e trabaonan aki ta trabaonan bastante compleho unda cu tin diferente specialista cu tin cu ta abordo. Tin un tripulacion di marineronan mes cu ta pertenece na e barco, pero tin tambe e tripulacion tecnico, cu ta haci e trabaonan tecnico. No solamente e boramento riba su mes pero asuntonan di siguridad, tin hendenan pa cualkier asunto medico cu por pasa. Tambe lo bay tin cierto test di midimento cu ta worde haci. Tin un escala di hende cu ta bay ta abordo. Tin un tipo di laboratorio abordo tambe cu ta analisa durante di e boramento. Tin un tiki mas cu 150 hende abordo cu ta traha den dos warda. Ta un operacion cu ta 24 ora pa dia. Tur dia y tin warda di 12 ora.

E beneficio economico na e momento aki no ta gran cos. Den sentido cu tin cierto servicio ta worde brinda desde e isla y tin cierto benta di alimento, etc. Pero na e momento aki e impacto economico no ta gran cos compara cu loke si lo bay tin na descubrimento. Loke si ta importante ta e hecho cu ta asina leu cu un boramento toch ta demostra e confianza cu tin den e clima di inversion di Aruba y den e sistema huridico cu e contratista, cu ta e dos companianan grandi, Repsol y Total, ta dispuesto pa inverti capital den proefboring unda cu nos tur ta spera cu cosnan bay super bon. Pero cu bo no sa kico e resultado economico ta bay ta, segun Curet.

- Advertisement -

DUNA COMENTARIO

Please enter your comment!
Please enter your name here