Home Labor Trahadonan di Fundacion Facilidadnan Deportivo a pone trabao abao

Trahadonan di Fundacion Facilidadnan Deportivo a pone trabao abao

16
0
SHARE
- Advertisement -

ORANJESTAD(AAN): Diabierna a habri, cu un walkout na Centro Deportivo Frans Figaroa na Boegoeroei.

Tin un mal contento sigur na Fundacion Facilidadnan Deportivo. Varios di e trahadornan tin 8 aña of mas trahando cu ASU y nan no a bay dilanti. Despues cu a pasa pa Fundacion Facilidadnan Deportivo, nan no a reconoce nan pa e añanan cu nan tabata tin trahando na ASU.

Pio ta, cu a bin hende for di Lotto pa Deporte y nan tampoco no a haya reconocemento. Varios trahado ta trahando basta aña largo sin un aumento. Pesey trahadornan a dicidi di bisti na preto diabierna awo y walk out.

Pero diabierna a haya informacion cu mediadornan di gobierno a yama SEPPA, minister Dangui Oduber y director di FFD pa tene un reunion 3or pa wak si nan por yega na otro pa stop si of no.

    Demasiado presion:

Lady Vrolijk ta beheerder na Fundacion Facilidadnan Deportivo y e ta un di e trahadornan cu a pone trabao abao ya for di oranan tempran di mainta. E trahadornan no ta nada contento cu e mal maneho di e fundacion, cu ta encabeza pa Junior Tromp. Esaki ta un comienzo, el a comenta.

Problema ta cu gerencia ta pone mucho presion riba trahadornan inecesariamente. Esnan cu ta traha bon, ta pest nan. Tin hasta cu algun di nan a bay back for di unda nan ta. E oficina di recurso humano no ta comunica cu e trahadornan. Unico cos bon cu nan ta haci ta, pa duna “advertencia” y percura pa e bonus di fin di aña ta baha.

Ta trata aki di un total di 16 trahador cu a pone trabao abao.

 

- Advertisement -

DUNA COMENTARIO

Please enter your comment!
Please enter your name here