Home Gobierno Trahadornan di Parke Arikok kier pa pueblo di Aruba sa e berdad

Trahadornan di Parke Arikok kier pa pueblo di Aruba sa e berdad

434
0
SHARE
- Advertisement -

ORANJESTAD (AAN): Esnan cu semper a defende e Parke cu alma y cuerpo, ta e trahadornan.  Y nan ta esnan cu a cuminza ripara ora cos no ta bayendo bon, y a bati alarma.

Hecho ta cu ta reina un disgusto grandi cerca e trahadornan na Parke Arikok, caminda tin un persona Hulandes di como 70 aña di edad (kende ta biba na Hulanda) riba payroll, cobrando tur luna un salario, cual placa realmente ta di Parke Arikok.  Trahadornan ainda no a haya sa kende a dune e contract, ni tampoco si acaso e ta pagando belasting na Aruba, ni si e ta trahando 8 ora pa dia.

Fiesta ta sigui awor na luna di Juni, ora cu tur e managernan a cobra placa di Vakantie, sin cu nan merece.  Aki so mas di 100.000 Florin ta bay di entrada di Parke.  Pa colmo, tin dos manager ta wordo paga un salario siendo nan ta ocupa e mesun funcion.  Parce cu ningun hende por haci algo, y trahadornan no gusta cu algun di nan ta ni presenta na trabao.

Loke a pasa awor ta cu un casa di un Manager a bay papia palabra di abuso cu trahadornan.  El a bisa e.o. cu “ta boso ta hiba redo pa Ministro”, etc.  Trahadornan ta desapunta cu ningun medida a wordo tuma contra dje.  Esaki tambe ta gana salario sin haci nada.

No ta tur hende tin wowo cera!  A haya sa cu tin un di e managernan cu no ta contento cu loke directiva y demas managernan ta haciendo.  Pero e tin miedo di bisa algo.

Trahadornan no por compronde con un hende cu tabata traha den Dierentuin na Hulanda, a bira general manager aki.  No tin ningun Arubiano cu por a haci e trabao aki?  Un berdadero Arubiano cu conoce naturaleza di e isla?

Awor na Juni 2018, a yega ora pa directiva nobo cuminza ruim-op de boel, pasobra ta hopi placa ta wordo paga na salario di e managernan, y otro asunto innecesario.  Aki nan ta menciona por ehemplo e personahe Raymann cu a bin di Hulanda pa e Shark Week, cu no ta yuda Parke Arikok cu nada tog.

Trahadornan di Parke Arikok ta preocupa, y pesey nan ta informa pueblo di Aruba loke ta pasando.  Nan stima naturaleza, stima e parke, y stima Aruba.  Nan no kier pa decisionnan descabeya destrui tur esaki.

- Advertisement -

DUNA COMENTARIO

Please enter your comment!
Please enter your name here