Home Noticia Internacional Trucknan ta sigui wordo usa debi cu 80% di busnan na Venezuela...

Trucknan ta sigui wordo usa debi cu 80% di busnan na Venezuela ta daña

36
0
SHARE
- Advertisement -

CARACAS: No tin pieza, ni placa pa haci mantenimento.  Pesey mes, como 80% di tur bus na Venezuela ta para sin por core.  Esey ta loke e President di Bloque de Transporte de Suroeste de Caracas a laga sa.  Segun Pedro Jimenez, mas di 80% ta paraliza.

Y pa colmo, Gobierno di Nicolas Maduro ta ni pone atencion pa nan, y esaki ta afectando e mobilizacion di miles di Venezolano.  Mira e potret aki.  Asina aki hendenan awendia tin di subi den parti patras di truck, pa por move di un lugar pa otro.  Muchanan djis para sin lugar drechi pa wanta of sinta.

E sector di Transporte Publico di Venezuela ta aworaki den su peor crisis den 50 aña.  Venezuela ta wordo considera awor como e pais cu tin e Bus y Trucknan di mas bieu di henter Sur America.  Hopi hende ta pensando cu e pais a bira mescos Cuba y Haiti.

E President di e chauffeurnan di Bus, a bisa cu di e 3.000 busnan cu tin den su sector, aworaki como 800 vehiculo so tin ta core ainda.  Pesey mes e Venezolanonan ta kedando sin opcion.

E ta cuestiona tambe e uso di e Trucknan cu mas bien ta sirbi pa construccion, pero cu awor a wordo transforma den transporte di pasahero y a haya e nomber di “perreras” y “rirrinchincheras”.

Cifranan no-oficial ta indica cu tin hopi Bus cu si por core ainda, no ta moviendo pasobra e actividad aki no ta produciendo ganashi.  Nan a trata na hisa tarifa di bus, pero esey no ta resolve e situacion tampoco.

- Advertisement -

DUNA COMENTARIO

Please enter your comment!
Please enter your name here