Home Enseñanza Tur aña ta resalta e acto iresponsabel bao di nos mucha y...

Tur aña ta resalta e acto iresponsabel bao di nos mucha y hobennan

114
0
SHARE
- Advertisement -

Monique Giel-Labad:

ORANJESTAD  (AAN):  Diahuebs tabata tin e final di un curso unda cu Wit Gele Kruis tabata envolvi den dje. Monique Giel-Labad, tienermoeder consulent, a splica cu Wit Gele Kruis ta registra tur e casonan relaciona cu embarazo hubenil. Asina aki ta mira tambe tur e problemanan cu ta confronta.

E problema mas grandi cerca muchanan, ta cu nan ta yega te na un acto, y te na un embarazo indesea, ta e acto sexual iresponsabel. Ta pesey tur aña ta señala tur loke ta mira den practica y loke ta resalta mas ta e acto iresponsabel cu ta tuma luga bao di nos mucha y hobennan y kico ta e motibonan pakico e muchanan ta yega asina leu.

No ta asina cu pa motibo di droga un mucha muhe ta sali na estado. Ta wak e parti con un mucha a yega na uza e parti di droga, te na e parti di yega asina leu na un edad hopi hoben, tene relacion sexual, te na un consecuencia di un embarazo indesea of nan ta bira un adicto despues door di uza droga.

Pesey tambe, den tur e verslagnan di Labad a traha un adviesrapport y tambe anotacionnan kico ta mira of con por bay sigui traha, pero riba e tereno preventivo.

Riba e tereno preventivo, cu esey kiermen, como Wit Gele Kruis no por haci hopi, pero mester di sosten di otro instancianan. E ora ta bay sondea. No ta haci hopi charla den bario. Ta organiza tayer, ta organiza expo den bario. Ora cu mira e cantidad di mayor cu ta participa of muchanan cu ta bin, ta hopi minimo.

E grupo cu kier alcanza, no ta alcanza nan. Pesey ta bay sinta brainstorm, con ta e manera cu por yega na tur mucha pa duna nan e informacion, duna nan e lesnan riba e parti aki y e ora traha e plan van aanpak, e ora pensa que hubo acerca e scolnan. Na scol ta haya tur e muchanan.

Asina a cuminsa traha un projectdossier, unda cu ta motiva y tambe pone den e dossier, kico ta e planning, con kier traha na esaki, pero prome cu esey, tin cu mustra na comunidad, mustra na nos maestronan, mustra na hulpverlening, e necesidad grandi pa yuda nos muchanan.

A organiza un congreso na 2013, unda cu a invita profesionalnan for di exterior, pa asina nan por bin duna esunnan cu ta bezig caba cu Sexuele Educatie, unda cu por mustra comunidad, nos mayornan, nos docentenan, cu e necesidad, kico ta e resultado ora cu bo cuminda tempran cu e lesnan aki y kico ta e resultado ora di midi nan despues di cinco aña.

E profesionalnan aki a bin pa papia, duna nan charla riba e tereno aki y asina a cuminsa paso pa paso, traha. Tabata tin dos parti di educacion sexual. Tabata tin e parti di Biba Amor y e otro parti di Hulanda, cual mester a pas’e aan na nos cultura y wak si nos docentenan ta sinti nan mes bon cun’e pa por percura pa e lesnan aki. Nan a kies e parti di Biba Amor, cu ta relaciona cu nos cultura, nos pensamento y asina ey a cuminsa cu Biba Amor.

A cuminsa cu un tryout cerca e scolnan di SKOA y asina a acerca SKOA cu e verslag y projectdossier di Wit Gele Kruis. Mesora nan a habri man tum’e y a cuminsa traha hunto riba esaki. E no tabata facil, pasobra ya e parti financiero ta hunga un rol hopi grandi. Pero danki na e service clubnan cu a pone confianza den e proyecto aki, ta casi logra e meta, cual ta 48 scol prome den enseñanza, cual ta e scolnan di SKOA.

Minister Rudy Lampe su pensamento ta, cu por haci’e nacional, na tur e otro scolnan, mirando cu e necesidad ta grandi. No ta na e scolnan di SKOA so, pero ta rond Aruba.

Pesey tambe a propone na minister, kico su pensamento ta pa asina por sigui na e otro scolnan ora cu caba e scolnan di SKOA.

 

- Advertisement -

DUNA COMENTARIO

Please enter your comment!
Please enter your name here