Home Hudicial Tur dos sospechoso di transporta baranan di oro laga liber

Tur dos sospechoso di transporta baranan di oro laga liber

396
0
SHARE
????????????????????????????????????
- Advertisement -

Abogado mr. Sulvaran a convence Huesnan

ORANJESTAD (AAN): Manera DIARIO a publica, Diabierna den sala di Corte di Husticia tabatin un discusion interesante entre abogado mr. Sulvaran y Fiscal. E discusion tabata riba e detencion inhusto di e homber R.A.G.Z. biba na Aruba.

Dia 9 Februari 2018, R.A.G.Z. a worde deteni na aeropuerto ora el a presenta na Douane cu un cargamento di oro pa hiba Hulanda. E ta worde acusa di falsificacion di documentonan y labamento di placa relaciona cu e cargamento di oro. El a pidi Hues pa laga R.A.G.Z. liber.

Diabierna mainta den sala di Corte, mr. Sulvaran a cuestiona Fiscal pa detene inhusto e homber R.A.G.Z. pasobra tur documento ta corecto y hasta tin documentacion di Venezuela cu ta reconoce e compania pa transporta oro pa Europa via Hulanda.

Fiscal den Corte a bisa cu recien a detene e homber T.R. como sospechoso complice di e baranan di oro. E ta haya cu R.A.G.Z. mester keda sera. Mr. Sulvaran kende ta representa T.R. a bisa Hues cu for di principio ora a detene R.A.G.Z., kende ta simplemente un empleado pa transporta e oronan, T.R. a bisa Polis cu e ta dispuesto bin Aruba pa aclarea tur cos. Polis a bisa cu no ta necesario. Awor si ta detene T.R. como sospechoso.

   TUR DOS SOSPECHOSO LIBER:

Diabierna merdia, mr. Sulvaran a bay dilanti Hues Comisario pa e prolongacion di T.R. El a convence Hues Comisario cu T.R. no a haci nada ilegal y cu tur documentacion ta corecto y cu ta 7 aña caba ta hacienda e negoshi aki. Ta asina cu aunke cu Fiscal si ta haya cu mester sigui detene T.R., Hues Comisario no a prolonga e detencion y a lag’e liber.

Despues ta Hues di Corte a dicidi cu e sospechoso R.A.G.Z. tambe ta worde laga liber. Esey ta nifica cu tanto R.A.G.Z. como T.R., ta liber. Awor ta di warda mira si Ministerio Publico tin caminda pa sigui cu un caso penal.

DIARIO por a compronde cu e oronan ainda ta confisca. Posiblemente mr. Sulvaran lo bay cuminsa procedura pa su clientenan por haya e oro pa sigui haci negoshi manera nan ta haciendo pa 7 aña largo.

 

- Advertisement -

DUNA COMENTARIO

Please enter your comment!
Please enter your name here