Home Comercio Tur otro producto por drenta Aruba

Tur otro producto por drenta Aruba

191
0
SHARE
- Advertisement -

Ricky Croes:

ORANJESTAD(AAN): Tabata tin un delegacion di tanto Aruba, Boneiro y Corsou, como tambe e embahada Hulandes na Caracas, a reuni cu autoridad Venezolano, a yega na cierto acuerdonan. Manera tur hende sa, e botonan di fruta a cuminsa yega Aruba, segun director di Douane, Ricky Croes.

Siman pasa tabata tin un barco cu a yega cu basta fruta. Tabata tin hopi speculacion den media, diferente hendenan tabata papia cierto cosnan. A sinta cu e comision di Grens Opening Venezuela y eynan a evalua tur cos un biaha mas y mira kico ta e acuerdonan cu a worde traha. Ta importante pa bisa cu den e caso di e tardansa cu tabata tin siman pasa cu bahamento di fruta, tin di haber cu e barco mes. E forma con e barco tabata carga, unda cu tur e milonnan, papayanan, e fruta tabata den e barco, uno uno mester a worde saca y no tabata den caha.

Cu e barco a tarda pa saca su frutanan, tin mas di haber cu e barco cu tin di haber cu e controlnan cu ta worde eherce na Aruba mes. Douane su papelnan tabata cla tempran. E papelnan a yega tempran. Tur cos a worde controla, pero e forma con e tripulantenan tabata saca fruta for di den e barco a tarda y a haci cu e personanan cu mester a busca nan fruta, a haya nan fruta mas laat.

Tambe a hunga un rol e hecho cu e persona cu a bestel e frutanan, tabata di tempran eynan, pero e frutanan a worde saca sin cu tabata tin un bon reparticion ken su fruta ta worde saca prome. Por lo tanto hopi hende mester a warda demasiado, sin cu nan por a drenta pa busca nan frutanan.

Segun Croes, Douane ta haciendo su controlnan bon. Despues cu e acuerdonan a worde traha cu Venezuela, tin e controlnan aki. Venezuela tambe ta contento cu e manera cu Aruba ta haciendo su trabao. A papia e manera cu ta worde haci. Ta un win win situation y di awor padilanti frutanan por drenta. Tur otro producto tambe por drenta y esakinan lo worde someti na e mesun regimen cu tin awor aki cu fruta.

Por bisa cu e carganan por cuminsa drenta y tur cos lo worde someti na e controlnan manera cu tin’e planea. E controlnan ta algo bon pa Aruba mes.

Di parti di Douane, no tin ningun cambio den e sentido cu e controlnan ta worde haci manera e tabata. Pero si a yega na afspraaknan cu Venezuela unda cu nan ta manda tur documentacion cu tin mester pa asina controla bon. Locual a worde haci ta e control a worde poni na Venezuela. Nan tin cu percura pa tur cos ta legal y na Aruba ta verifica. Una bes cu verifica cu tur cos ta bon, ta sali for di e punto di bista cu e productonan ta ok pa sali di Venezuela y por laga nan bay.

Segun Croes, despues cu a caba di reuni, a papia riba tur e otro posibilidadnan. Te hasta nan a papia di trece carne y cabrito. Pero no a papia di nan pasobra e tin di haber cu otro departmento. Pero awor aki tur producto por drenta.

Douane ta mira cu nan ta mandando tur e documentacionnan cu ta pidi y una bes cu mira cu aki falta algo, tin contacto. Awor aki tin contactonan mas estrecho y via capitania de puerto nan ta controla di biaha y manda tur e documentonan pa puntra si ta OK. Nan ta contest cu si y tur cos ta bay e ora.

- Advertisement -

DUNA COMENTARIO

Please enter your comment!
Please enter your name here