Home arte y espectaculo Un team grandi a produci Voz-I-Landia escolar na su comienzo

Un team grandi a produci Voz-I-Landia escolar na su comienzo

11
0
SHARE
- Advertisement -

Eddy Marchena:

ORANJESTAD(AAN): Eddy Marchena, ex cabesante di Fatima College na Dakota, ta un di e miembronan fundador di Voz-I-Landia Escolar y e ta conta cu esey tabata na aña 1982. Despues cu nan a stop cu Long Play, nan a sigui cu CD, cual tabata worde graba na Aruba mes.

E Long Playnan tabata resultado di full e festival, pa wak con e desaroyo a tuma luga. E CDnan a worde haci na Aruba mes. Voz-I-Landia a desaroya segun tempo tambe. Mescos cu conocemento di Mirto Lacle y Marchena mes den produccion di tanto e festival. Ta full un team grandi a produci e festival aki, pero specificamente den yega na fondonan pa haci nan y al fin y al cabo pa ward’e pa futuro, esey tabata e grabacion di e disconan. Esey tabata pa e comision completamente un aventura. Door di puntra aki aya y cu e poco recursonan cu tabata tin, a pensa pa nan mes haci’e y sali for di dje. Al fin y al cabo por ta hopi satisfecho cu e resultadonan.

Semper a purba despues cu a ripara cu e festival cu na prome instante tabata entre Puis X y Fatima College, e schoolnan a cumpli 20 aña di existencia. E ora ey na ocasion di esey a pone entre otro e festival. Ora cu a ripara cu e tabata asina exitoso, a pensa di wak un manera pa sigui cun’e. E ora ey a bisa cu lo haci’e, pero ta bay pone nan propio condicionnan. Tabata kier pa e sosode de lo mehor posibel. Cosnan mester bay manera e tin cu bay.

Cu yudansa di diferente hende y un hende cu sigur a yuda hopi, of un instancia cu a yuda hopi pa facilita e trabao, tabata sr. Pancho Geerman e tempo ey, cu yudansa di dje y otronan, a purba di setup y ehecuta tur cos den e miho manera. E comision ta contento con e cosnan a bay. E tabata exitoso pasobra cu e acogida cu a haya den tur e añanan cu a haci e festivalnan, tabata uno masha bon mes.

Marchena ta kere cu siendo e tempo ey cabesante di Fatima College, ta na su luga cu por bisa danki. E team di maestro y maestranan cu tabata tin e tempo ey, cu e comisionnan di mayor cu tabata tin e tempo ey y tambe e comision di hendenan cu eigenlijk no tabata tin nada di haber cu e festival, pero cu a yuda pa yega na esaki, fuera di tur esnan p’afo di enseñansa, cu ta e negoshinan, e luga unda cu tabata tene e festivalnan, musiconan, e areglista y compositornan, hunto a yega na e exito di e festival. Ta sigur cu Jennifer Lacle-Boezem su trabao den crea e buki ta un hopi bon trabao y cu lo bay tin algo di recobra y cu por tin tur cos pa mas leu cu ta posibel hopi bon warda como historia. Tur esaki ta relata na nos idioma Papiamento.

Tempo cu a cuminsa, a worde conseha pa haci’e un fundacion. E hendenan cu a organiza e prome biaha tur tabata hendenan cu tabata traha na Fatima College. A haci’e sin pensa cu e lo bira asina grandi y mas facil lo tabata haci’e un fundacion unda cu por bin hunto semper y mas lihe por haci cosnan resulta tambe. E ora a pon’e Fundacion cu su base na Fatima College. Despues di añanan, tur hende ta bira grandi, a pasa over e Fundacion y e produccion, a keda na Fatima college, aunke no necesariamente no mester keda na e school. Pero loke tabata e tempo ey si, un condicion cu e tabata algo escolar y escolar basico. Esey tabata e grupo cu tabata target pa organiza e festival.

Marhena a sigui splica cu e no ta facil pa run un fundacion, e no ta facil at all pa pone un festival riba pia. Sigur no si bo ta pone bo mes como meta, cierto condicionnan cu ta basta exigente. Eseynan hunto ta pone cu e ta dificil. Sinembargo, ta asina cu e fundacion semper a pone dilanti cu ta dispuesto pa yuda pa sigui cu e organizacion aki.

Tambe a bisa cu ta bay pa yuda pero cu un dia di berdad ta mescos cu educacion cu bo tin na dado momento, ta laga e yiu bay pa e haci su propio bida. Esey tambe ta loke ta pasa aki, a pone como meta pa yuda, pero poco poco laga slek pa e otronan por sigui exitosamente tambe. E comision original tabata tin hopi bista ariba, pa e por ta algo bon. Bon den e sentido ta traha cu mucha y cu otro hende tambe, pero ta educa nan di lo miho.

Esaki tambe ta parti di educacion. Si bisa cu ta cuminsa 8’or, ta cuminsa 8’or. Si bisa cu tur hende mester tey tal ora, tur hende mester tey tal ora. Si un hende tin tal tarea, e tarea mester ta cumpli manera mester ta. Esey tabata partinan di dje, mescos cu e tabata ta tambe pa e musiconan, pa e areglistanan, pa e compositornan.

- Advertisement -

DUNA COMENTARIO

Please enter your comment!
Please enter your name here