Home Turismo Winair lo conecta Aruba cu Sint Maarten entrante 1 di Juli 2018

Winair lo conecta Aruba cu Sint Maarten entrante 1 di Juli 2018

28
0
SHARE
- Advertisement -

Aeropuerto di Aruba ta anuncia:

ORANJESTAD  (AAN) – E siman aki Aruba Airport Authority N.V. (AAA) a ricibi confirmacion cu  Windward Islands Airways Intl. N.V. (Winair) lo cuminsa cu servicio nobo Aruba -St. Maarten desde prome di Juli, 2018.

Cu e vuelonan adicional pa Aruba na nan network di vuelo existente, e aerolinea nacional di St. Maarten Winair lo conecta Caribe Hulandes completo, sigurando viahamento sin problema y cumpliendo cu expectativanan di e publico viahero. E expansion di e network existente lo sirbi e necesidadnan di e viaheronan durante e periodo druk di zomer.

Winair lo bula pa Aruba for di St. Maarten via Curacao (HUB) riba dialuna, diahuebs y diasabra, y lo bula for di Aruba pa St. Maarten via Curacao riba diamars, diabierna y diadomingo. E servicionan aki lo ta disponibel pa publico usando e avionnan ATR 42 500/600 cu capacidad di 48 pasahero.

“Vuelonan nobo pa nos destinacion ta semper bonbini na nos aeropuerto. Nos ta constantemente buscando mas opcion pa nos pasaheronan. E area di Caribe, specialmente e area di Caribe Hulandes ta un area hopi importante pa e mercado local y nos ta convenci cu e servicio nobo di Winair lo acomoda e demanda pa St. Maarten y e resto di islanan cerca,” asina AAA su Air Service Development Manager Sra. Jo-Anne Arends a bisa.

 

- Advertisement -

DUNA COMENTARIO

Please enter your comment!
Please enter your name here