Home Deporte Zabivaka, e mascota oficial di Copa Mundial di futbol a uni na...

Zabivaka, e mascota oficial di Copa Mundial di futbol a uni na e ekipo di La Cabana Beach Resort & Casino

52
0
SHARE
- Advertisement -

ORANJESTAD  (AAN):  E asociadonan di La Cabana Beach Resort & Casino recientemente a disfruta di un Asamblea General interactivo y excitante.

E hotel ta organisa un encuentro pa su asociadonan tur kwartaal, caminda miembronan di gerencia den colaboracion cu e departamento di Recurso Humano ta comparti logronan, metanan y plannan di e hotel pa e proximo lunanan.

E evento tematico tabata un exito rotundo, y a conta cu un gran participacion, cu un asistencia record. Cu e enfoke riba Copa Mundial, e mascota di e aña aki, Zabivaka, e wolf cu ta anota gol, a uni cu e ekipo y despues di un ceremonia di apertura estilo di FIFA, muchanan uniforma di Aruba su little league a cana drenta cu certificadonan di logronan cu a wordo gana pa e hotel y su Gerente General.

Tabata un experencia cu yen di entretenimento. Gerente General Joe Najjar a comparti algun palabra inspirador  pa lansa e campaña “100 Days of Hospitality” di La Cabana, caminda cu e enfoke principal ta riba satisfaccion di cliente.

Durante e atardi, cada departamento a comparti nan ideanan cu e forum y a scop e bala di Copa Mundial di La Cabana den e net di gol, como un simbolo di compromiso di e asociadonan na “100 Days of Hospitality”.

E asistente di e Gerente General, Jessica Franken tambe a comparti informacion importante tocante e premionan ricibi. E aña aki e hotel a ricibi e “Outstanding Achievement Award” pa di dos aña consecutivo, e “Platinum Greening Award” pa 2017 y Najjar a wordo eligi como “Resort Manager of the Year” pa 2017; di mas cu 60 hotel di Bluegreen, Najjar a wordo reconoci pa su liderazgo excepcional y pa e logronan di su hotel.

E encuentro extravagante a culmina cu e maestro di ceremonia talentoso di La Cabana, Johnny Kock, gradiciendo e asociadonan pa nan asistencia y animanan pa nan pasa tuma un delicioso bebida mescos cu ta wordo sirbi na un stadion di futbol.

- Advertisement -

DUNA COMENTARIO

Please enter your comment!
Please enter your name here