Home Policial A logra haya e puppy malamente herida na Tanki Flip

A logra haya e puppy malamente herida na Tanki Flip

646
0
SHARE
- Advertisement -

Caso cruel di Dialuna anochi…

ORANJESTAD  (AAN): Manera DIARIO a trece dilanti caba, e caso di Dialuna anochi na Tanki Flip, unda un muher a dicidi na busca forma pa corta garganta di un puppy, a laga pueblo asombra con hende por ta asina mal intenciona.

Polis a yega rapido e anochi ey na un cas na Tanki Flip, y a topa cu un muher manera posei, of bao influencia pisa di droga tabata  purba corta  garganta di un cacho chikito.  E tabata haciendo esey cu un cuchio di cushina pa corta carni.  E paña di e muher tabatin diferente mancha di sanger caba.

E puppy a ricibi diferente corta y herida den area di su garganta, y diripiente a logra scapa for di e muher agresor.  Un otro cacho puppy tambe a haya herida.   Polis a handle mesora cu e muher, a pone abao y a pone su mannan den boei.  E actitud di e muher a pone agentenan sospecha cu e ta bao influencia di droga.  Despues cu Polis a handle e muher, e dos cachonan aki lamentablemente a ranca un careda y desaparece den mondi.

Diamars den dia, diferente voluntario a bay busca e cacho pa asina e haya trato medico, pero no a haye.  Nan a check cu tur Veterinario rond di Aruba, pero ningun di nan a ricibi e cacho.  DIARIO a compronde cu atardi tambe, varios ciudadano a core rond den tur skina di Tanki Flip enbusca di nan.

Un grupo local, esta Crijojo Trappers hunto cu voluntarionan di e.o. Luna Foundation, Animal Rights Aruba a sigui busca, y anochi laat a bin haya tur dos puppy.

Inmediatamente nan a hiba e Puppy herida pa Veterinario, y e pober animal tabatin corta basta grandi y profundo na banda robez, y tambe banda drechi di su cara.  Cuminzando for di riba su nanishi bay abao pa su garganta.  Diaranzon den dia, Veterinario a opera e puppy na Animal Care Clinic Aruba..  El a perde hopi sanger, pero awor si ya caba e ta fuera di peligro.

Como cu e ta bay ta un periodo largo di recuperacion, Luna Foundation ta haci suplica pa pueblo yuda cu donacion pa paga veterinario pa cu cuido di e puppy aki,.

Bo por yama esaki na nomber di Stichting Luna Foundation na Aruba Bank account #600494.0190 of tambe via website di paypal.me/LunaFoundation

DIARIO ta ofrece disculpa cu e potret por ta demasiado grafico.

- Advertisement -

DUNA COMENTARIO

Please enter your comment!
Please enter your name here