Home Gobierno A nombra Shon No Maduro como president di NV ELMAR

A nombra Shon No Maduro como president di NV ELMAR

46
0
SHARE
- Advertisement -

ORANJESTAD  (AAN): — Entrante dia 16 di juli 2018, Gobierno di Aruba a nombra Filomeno E.I. “Shon No” Maduro, naci na Aruba, di 72 aña di edad, como Presidente di Hunta di Supervision di e compania estatal Naamloze Vennootschap Electriciteit-Maatschappij Aruba, esta N.V. Elmar. Su rol eyden lo ta pa representa interes di e doño di e compania, esta Utilities Aruba N.V. y pa supervisa e gerencia di N.V. Elmar, consistiendo di Ing. Robert Henriquez (CEO) y Gloria Croes (CFO).

Shon No Maduro no ta un persona desconoci riba nos isla. E ta un docente di profesion y tabatin un trayecto hopi largo den enseñansa, manera na MAO, EPI y Avond MAVO. Den su carera el a traha tambe como Director di Aruba Huis na Hulanda. Separa di su trabou como educador, ta considera Shon No tambe como un palanca di MEP y ta un persona di confiansa di Minister Presidente mr. Evelyn Wever-Croes.

Shon No Maduro lo bisti dos pechi den su rol di supervision. A nombre como Presidente di e Hunta di Supervision di N.V. Elmar y alabes como miembro di e Hunta di Supervision di WEB Aruba N.V.

Esaki ta demostra e confiansa cu e ta carga di Gobierno pa representa nan den ambos compania di utilidad. Claro, e funcion aki, di reuni un bez pa luna cu gerencia di e compania, no ta gratis. E ta bin cu un “salario” di Afl. 2.500,= pa luna pa ta den Hunta di Supervision di WEB y un otro Afl. 3.000,= pa ta Presidente di N.V. Elmar. Por lo menos esey tabata e gratificacion e ultimo añanan.

- Advertisement -

DUNA COMENTARIO

Please enter your comment!
Please enter your name here