Home Infrastructura Acuerdo entre Serlimar y Ecogas ta temporario te ora bin un solucion...

Acuerdo entre Serlimar y Ecogas ta temporario te ora bin un solucion pa maneho di desperdicio na Parkietenbos

139
0
SHARE
- Advertisement -

Twyma van der Biezen:

ORANJESTAD   (AAN):  Twyma van der Biezen, Sales & Marketing Manager di Serlimar, ta informa tocante e ultimo desaroyonan di e acuerdo entre Eco Gas y Serlimar.

Desde comienso di Juli, e desperdicionan residencial y comercial cu ta wordo colecta pa Serlimar ta wordo deposita na Eco Gas pa procesa esaki.

E proceso aki ta reduci e cantidad di desperdicio cu ta bay Parkietenbos pa alivia e situacion actual cu tin eynan. E espacio na Parkietenbos a yega su maximo capacidad nuebe aña pasa. E ta brinda un alternativa temporario pa e maneho di desperdicio.

E tipo di desperdicio cu ta bayendo Eco Gas ta desperdicio di cas, residencial y comercial cu ta wordo colecta door di Serlimar.

E acuerdo cu tin entre Eco Gas y Serlimar tin un periodo di seis luna pa maximo dos aña. Esaki ta un solucion temporario te ora cu bin cu un otro solucion permanente pa maneha desperdicio na Parkietenbos.

E desaroyonan ta mustra positivo. E cantidad di desperdicio cu ta bayendo Ser’i Teishi ta wordo monitoria pa Serlimar. Despues di un par di luna, Serlimar lo tin suficiente data pa wak e impacto di e proceso aki.

E parti di container park ta habri pa publico pa nan deposita tur nan desperdicio. Esakinan lo wordo separa y deposita na Eco Gas pa continua cu e proceso. E idea ta recicla mas tanto cu ta posibel.

Cierto materialnan manera azeta y metal ta wordo recicla caba. Despues lo continua cu materialnan manera palo, taira y desperdicionan organico.

- Advertisement -

DUNA COMENTARIO

Please enter your comment!
Please enter your name here