Home Deporte Acumulando 400 swing durante batting practice diadomingo ultimo

Acumulando 400 swing durante batting practice diadomingo ultimo

25
0
SHARE
- Advertisement -

ORANJESTAD (AAN) – Selecion Masculino di Aruba Softball Bond a regresa di Monteria Colombia mei mei di luna di Juli y a continua cu entrenamento. Desde fin di Juni un entrenador profesional Luis Pire ta na Aruba pa brinda ayudo na Aruba Softball Bond pa prepara tanto Seleccion femenino pa campeonato di CONURSA cual lo tuma lugar na Aruba 26 di October pa 3 di November como e Seleccion masculino cu tin un otro compromiso Centro Americano na Panama. Luis Pire ta entrena tanto seleccionnan pero tambe tur atletanan afilia na Aruba Softball Bond por ricibi entrenamento personal den grupo. Actualmente Luis Pire ta 6 biaha pa siman riba tereno ocupa cu nos atletanan. Hunto cu Luis Pire den seccion femenino y masculino nos tecniconan local ta di vital importancia pa hunto nos move nos atletanan pa un otro nivel competitivo. Director Technico di Aruba Softball Bond Estefano “Fano” Croes ta encarga cu e programa aki. Diadomingo ultimo desde 10 di mainta pa 12.30 di merdia  atletanan tabata tin un seccion di bateo di acuerdo cu e plan di entrenamento y mester a traha riba volume esta acumulando 400 swing den un drill hopi intensivo. Aruba despues di a yega bek di Monteria a yama un reunion cu tur atleta y tecniconan pa evalua e competencia ultimo y tur ta di acuerdo cu banda di pitcheo cu nos mester sigui desaroya nos mester traha duro riba nos bateo pa e nivel internacional. Atletanan sintiendo nan mes hopi satisfecho cu e volume di bateo weekend cu a pasa. Pasion ta grandi y trabaonan lo sigui. ASB ta hasi apelacion pa ban sigui traha hunto den harmonia pa logra nos obhetivo y mira progresonan grandi ainda den 2018.

- Advertisement -

DUNA COMENTARIO

Please enter your comment!
Please enter your name here