Home Hudicial Agente di Polis condena pa maltrato di persona ta apela sentencia

Agente di Polis condena pa maltrato di persona ta apela sentencia

304
1
SHARE
- Advertisement -

ORANJESTAD (AAN): Siman pasa Diahuebs 12 Juli 2018, Corte den Promer Instancia a condena e agente di Polis A.W. y G.Y. pa e caso di maltrato severo di e homber A.O. riba 26 Februari 2017. Fiscal a exigi 15 luna di prison di cual 3 luna ta condicional cu un tempo di prueba di 3 aña. Ademas el a exigi pa prohibi nan pa eherce nan trabou durante 5 aña.

SENTENCIA

Hues a duna un sentencia hopi detaya caminda el a bisa cu e no ta haya A.W. culpable di maltrato severo pero si maltrato simpel. Hues a condena W. na 30 dia di prison di cual 17 dia ta condicional cu un tempo di prueba di 2 aña prueba.

Pa cu G.Y., Hues a bisa cu abogado a mustra cu Fiscal a violacion e principio di igualdad door cu otronan no a wordo persigui cu a haci maltrato severo. E abogado ta haya cu mester declara Fiscal no admisibel. Hues a rechaza esaki cu mester declara Fiscal no admisibel pasobra no tin casonan igual cu loke G.Y. a haci. Na opinion di Hues, si a mira videonan cu e abogado kier a presenta, no tin raport di e lesionnan cu e personanan a sufri. Pues no por compara nan cu otro.

Den e caso di G.Y., Hues ta haya cu aki si a keda proba maltrato severo. Hues a bisa, cu si dal skop duro den cara y mokete duro den cara por causa fracturanan. Testigonan a mustra cu despues cu G.Y. a skop den cara, O.A. a sangra na nanishi. Hues a mustra cu banda di e lesionnan severo, O.A. a sufri daño psychico.

Hues a bisa cu comunidad mester confia cu Polis ta atene nan mes den uso di violencia. Loke a sosode aki ta kibra imagen di Polis. Pueblo mester confia den Polis. Tambe den temporada di carnaval. Polis mester sa con pa atende cu hende asina.

Hues a condena G.Y. na 12 luna di prison di cual 4 luna ta condicional cu un tempo di prueba di 2 aña prueba. Tambe Hues a bisa cu e ta prohibi Y. pa durante 5 aña, por traha como Polis.

Manera DIARIO a publica, tanto e acusado como Ministerio Publico por apela.

AGENTE A APELA

DIARIO ayera a papia cu abogado mr. Carlo pa haya sa si ta bay apela e sentencia. E abogado a duna di conoce cu despues di a studia e sentencia y a papia cu G.Y. a dicidi cu ta apela e sentencia pasobra no ta di acuerdo cu e decision di Hues. Esey ta nifica cu posiblemente e aña aki mes, tratamento di e caso aki lo tuma lugar den Corte Superior caminda tres Hues (Hof) lo evalua e caso completamente di nobo. No ta conoci si Ministerio Publico a apela e sentencia di A.W.

- Advertisement -

1 COMMENT

  1. Ta stranjo na Aruba: ora un muher ta wanta maltrato anjanan largo for di un homber, no ta nada: ora un homber cu tabata maltrata su muher a haya poco sla, ta kita Polis for di trabou: dicon no hasi un encuesta na pueblo; mira cuanto hende ta sufri, a sufri of a scucha ora otro ta sufri maltrato door cu un homber no por stop di bebe of droga. Y ora e bin bia pasu mayan, e no sa kiko a pasa e muher, podice e spanta pa sa cu ta e a golpea e muher. Den mi yiu su klas tabatin un mucha muher cu ta bai scol cu tur e hoyasnan di su mama pa su tata no chol nan ora e ta riba trip. Ki bida esey?

DUNA COMENTARIO

Please enter your comment!
Please enter your name here