Home Impuesto Ainda tin basta hende cu no a bin cambia nan plachinan di...

Ainda tin basta hende cu no a bin cambia nan plachinan di number na Departamento di Impuesto

112
0
SHARE
- Advertisement -

ORANJESTAD   (AAN): Por a tuma nota di plachinan di carton riba caya, plachinan blikia tambe. Omar Maduro, encarga cu e seccion di nummerplaat na Departamento di Impuesto (DIMP),  ta conta cu tin dos pa tres mil plachi riba caya di mal calidad cu e compania na e momento aki ta reemplasando nan gratuitamente pa e departamento.     Nan a afirma cu e plachinan en berdad ta e verf di mal calidad. Tambe cu nan ta cambia nan pa e departamento y pa e cliente sin gasto inclui.

Eseynan tur ta plachinan entre A-62000 y A-66000. E clientenan cu tin un plachi blikia, ta invita e clientenan pa nan pasa libremente na departamento di impuesto y lo tuma dato di nan. Ta saca copia di e plachi y ta bestel esaki. Dentro di algun dia nan por haya e plachi, entregando esun bieu, haya esun nobo bek.

Segun Maduro, na comienso ta haya na momento cu saca un advertencia, ta haya reaccion. Pero despues e atencion ta baha. Despues cu bolbe saca comunicadonan di prensa den corant, nan ta bolbe bin, atencion tey. Djey e atencion ta bolbe cay. Bo ta haya e hendenan ta bin, pero despues no ta bin busca e plachinan.

A pasa tambe cu e compania cu ta entrega plachi, den e caso aki Retraco, a afirma cu el a haci bestelling di material, pero cu e material ta tarda. Pesey tabata tin algun mal contento cu clientenan cu tabata bin na Departamento di Impuesto pa algun biaha, pero lamentablemente, no tabata tin e plachinan di number disponibel. Si cu esaki tin atencion di DIMP. Awor aki nan ta completamente bij di esnan cu a bay pidi plachi, esunnan blika.

DIMP mes a ripara cu den nan local di number di auto tin hopi plachi cu hendenan tin cu bin busca ainda y e interes ta cerca nan mes tambe, cu nan no ta bin busca nan.

Maduro a splica cu e plachinan cu number halto tambe tey. Nan tin te cu 74750. A bestel te cu 75 mil. E compania tin di entrega ainda 250 plachi. Pero e plachinan ey ainda no a bende nan. Nan no por ta riba caya tampoco. A bende loke cu tin, segun Maduro.

E motibo di tur esakinan ta cu ora cu ta bay haci bestelling pa bay pidi plachi, e plachinan ainda no a wordo ricibi. Ta pidi nan. Ta tuma su tempo pa e compania por traha nan. Si bo kier un bon producto, bo tin cu warda un tiki. Sino bo ta bolbe haya cu plachinan ta wordo geverfd mucho lihe, no ta dun’e chens pa seca e ora bo ta haya cu e verf ta bay blikia.

Pa eseynan, ta duna e cliente un apoderacion di 30 dia cu nan por core cu un plachi traha door di nan mes, en principio carton of borchi. No ta motiva ningun cliente pa bay traha sticker tampoco pa ningun compania bende sticker cu nan ta haya ta bon. Ta djis bisa nan un eigengemaakte plaat, ta pa 30 dia y e clientenan ta pasa over di e 30 dianan ey y no ta busca e plachi.

Na su debido cuenta ora cu nan wordo para door di polis, nan ta core riesgo cu nan ta haya un boet, pasobra nan apoderacion a caduca.

Deadline pa paga e di dos mita di aña tabata 2 di Juli. E entusiasmo no tabata dje grandi ey manera spera. Tabata tin casi sigur 30% di clientenan cu no a paga nan di dos mita di aña. Awor aki el a baha te na 23%. Ta spera cu pa fin di e luna aki, por lo menos un 20% bin caba di haci nan pago pa motibo, si ta bon, na September ta bay draai e boetnan administrativo. Esun cu no paga e momento ey ta core riesgo cu nan ta haya 50% di boet y esnan cu no paga nan 2017, tambe ta bay haya boet riba esey, segun Maduro.

50% di boet ta bay ta locual cu bo tin habri na e momento ey den sistema. Si bo tin 2017 habri y bo no a paga 2018 tampoco, bo ta haya 50% riba e total di full e aña 2017. Pa e prome mita di aña 50%, pa e di dos mita di aña y asina tambe pa 2018. Pa cada periodo, 50% cu ta bira 50% total di aña riba e tarifa total. Si bo tin 300, categoria C, ta 150 pa cada mita aña, cual ta 50% di e total di 300 florin.

No ta bay alarga e fecha mas, segun Maduro. Esey tabata e ultimo fecha cu gerencia a dicidi pa hala, el a termina bisando.

- Advertisement -

DUNA COMENTARIO

Please enter your comment!
Please enter your name here