Home Gobierno Aki dos siman proyecto Green Corridor lo wordo entrega na Pais Aruba

Aki dos siman proyecto Green Corridor lo wordo entrega na Pais Aruba

164
0
SHARE
- Advertisement -

Minister Otmar Oduber:

ORANJESTAD (AAN)—Den conferencia semanal di prensa di gobierno, e titular di Infrastructura y Maneho di Medio Ambiente sr. Otmar Oduber, a duna di conoce cu Diahuebs atardi mes, a manda un carta pa Parlamento di Aruba, referente na Green Corridor.

E mandatario a declara cu e proyecto aki ya caba a cumpli un aña di retraso y a base di e combersacionnan cu tabata tin den Parlamento, na cuminzamento di e aña aki a duna apoderacion, den e caso aki na su persona mes, pa hiba deliberacion y combersacion cu e grupo di ODINSA, pa mira con por soluciona un proyecto cu for di aña pasa na Augustus mester a wordo entrega.

Manera ta conoci tabata tin como 500 punto habri y a hiba negociacionnan hopi fuerte di parti di DOW, cu a guia e expertonan e ultimo tres pa cuater lunanan y na unda cu finalmente a yega na e punto cu no ta necesario pa cambia e contrato cu tabata firma caba, a base di e negociacionnan hopi fuerte cu tabata tin cu gobierno.

Esaki a conduci cu aworaki, dia 23 di Juli proximo, pues aki dos siman, si tur cos ta bon lo logra yega na e asina yama “availability date” cu ta e dia cu e trabao ta wordo entrega na Pais Aruba.

Esaki no a bay sin consecuencia, e dignatario a señala. El a bay cu consecuencia di boetnan substancial, cu a wordo duna na e compania. Esey ta nifica cu nos pais, a base di negociacionnan cu tin tambe, a safe placa riba e contrato aki.

E dignatario a splica cu di e 500 puntonan cu tabata bin na discusion, a base di e presion y decisionnan cu a tuma lugar, esakinan a reduci e ultimo lunanan na 77 punto di cual tin di nan cu no por wordo resolvi, y tin di nan cu lo tarda mas tempo, y despues di dia 23 lo wordo soluciona.

Pa esaki tambe tin un suma substancial cu ta core den un par di 100 mil florin, cu lo wordo deduci riba e pagonan cu gobierno lo mester haci cada fin di luna of cada cuartal, cu nan no cumpli manera esaki tabata stipula den e contrato original.

- Advertisement -

DUNA COMENTARIO

Please enter your comment!
Please enter your name here