Home Comercio Algun casino confrontando problema y ta afecta e trahadornan

Algun casino confrontando problema y ta afecta e trahadornan

180
0
SHARE
- Advertisement -

Presidente di FTA Hubert Dirks:

ORANJESTAD (AAN) — Presidente di FTA, sr. Hubert Dirks, den entrevita cu nos redaccion, a elabora tocante e problemanan cu algun casino ta confrontando actualmente.

Sr. Dirks ta indica cu e mundo di casino ta uno cu retonan dificil y mester atende cu esakinan si ta desea di sigui mantene casinonan na Aruba como parti di e producto turistico.

“Unda cu FTA representa trahadornan, e situacion no lo bay facil. E trahadonan di Excelsior Casino, por ehemplo, a caba di bira miembro cu FTA. E contract di Excelsior Casino cu e doñonan di Holiday Inn Hotel lo termina pronto y a reuni cu, tanto e abogado di e casino como e abogado di e hotel. Locual a bin compronde ta cu e contract en berdad lo termina den luna di September, pero e compania a logra pa extende esaki y continua cu su servicionan. Manera cu e casino continua y si haya un doño nobo, e trahadonan automaticamente lo wordo pasa p’e doño nobo. Sinembargo, esaki no lo bay facil, pasobra den mayoria caso e dunado di trabao ta desea di tuma un compania over sin ningun trahado of sindicato”, Lider di FTA a menciona.

Sr. Dirks ta señala cu FTA ta representa e trahadornan y ta sinti cu nan mester keda uni y para pa nan derecho. FTA ta spera cu e companianan tene cuenta cu nan ta mama y tatanan di famia trahando y nan kier pa nan keda cu nan cupo di trabou sin importa kico pasa cu e casino. E garantia pa e trahadornan no perde nan trabao ta dificil, pero e presidente di FTA ta sinti cu dunadornan di trabou tambe mester por ta mas conciente pa cu nan trahadornan.

- Advertisement -

DUNA COMENTARIO

Please enter your comment!
Please enter your name here