Home Comercio Algun supermercado Chines ta cobrando 9.5% riba e suma total di cada...

Algun supermercado Chines ta cobrando 9.5% riba e suma total di cada compra

521
0
SHARE
- Advertisement -

Varios consumidor disgusta ta urgi pa control:

ORANJESTAD (AAN) — Na nos mesa di redaccion a drenta varios keho di consumidornan, cu ta hayando cu sorpresanan desagradable ora di paga nan compranan den algun supermercado Chines.

E consumidornan concerni ta masha disgusta pasobra no ta mira control ni un caminda, mientras cu den algun di e supermercadonan Chines nan ta bruha tera masha hopi mes, ora di cobra e belasting nobo.

Tin consumidornan cu ora a saca nan som den cas, nan ta ripara cu nan a wordo cobra riba e 3.5% cu tabata tin caba un 6% y no 2.5% cu ta e total di e aumento nobo di BBO-BAZV-BAVP.

Tin cliente cu ta bolbe cu nan recibo pa reclama y nan ta bin cu un recorte di prensa unda cu e minister di finanzas a aclarea esaki (y tambe Minister Presidente) y cu no ta 6% tin di aumento sino 2.5%.

Tin supermercadonan na unda nan ta devolve loke a cobra di mas, pero otronan ta nenga rotundamente.

Consumidornan ta wardando pa gobierno eherce un control estricto cerca e supermercadonan Chines, prome cu nan cuminza saca den corant nomber di e supermercadonan y nan recibonan di caha, pasobra con cu bay bin ta lugarnan unda cu nan mester haci compras. Esaki ta un situacion cu a wordo hopi premira, pero toch no a haci nada pa evite, segun algun consumidor a comenta na nos redaccion.

Esaki ta un abuso di marca mayor, pasobra e producto mes a aumenta di prijs. No tin un supermercado na Aruba, chikito of grandi, cu no a aumenta prijs di tur, absolutamente tur, producto.

Y e consumidor sa cu na momento cu gobierno bolbe baha e impuesto ora nan ta bin cu e reforma fiscal, e productonan lo no baha di prijs. Pues sikiera ta bon pa gobierno haci control y mustra tur supermercado cu e aumento ta 2.5% y no 6%.

Minister di Finanzas a yega di bisa den conferencia di prensa cu aumento di pan tabata pa entrante Januari 2019, no obstante e pan a aumenta incluso prome cu 1 di Juli. Y na unda e control a keda? Pregunta di tur consumidor!

- Advertisement -

DUNA COMENTARIO

Please enter your comment!
Please enter your name here