Home Gobierno Aruba a haya recientemente e rango di “TIER 1” den traficacion di...

Aruba a haya recientemente e rango di “TIER 1” den traficacion di hende

299
0
SHARE
- Advertisement -

Trudy Hassel: tur hende cu ta emplea un ilegal por haya un boet

ORANJESTAD   (AAN):  E problema di entrada di ilegalnan a bay for di man. Segun Trudy Hassel, tanten cu no cuminsa impone e boetnan ariba esun cu ta tuma ilegal den servicio of cu ta sconde un persona cu ta ilegal ariba Aruba, e problema lo continua.

 

TRAFICACION DI HENDE
Ta hopi importante, segun  Hassel, Aruba a haya recientemente e rango di TIER 1 den traficacion di hende. Esaki sigur ta un bon señal cu ta haciendo un bon trabao ariba e traficacion di hende.

 

BOET
  Ta haci un yamada na esunnan cu ta scondiendo personanan ilegal pa laga esakinan bay y evita haya boetnan halto. Hopi hende no ta na altura cu conforme nos Landsverordering Toelating en Uitzetting, nan por haya boet.

Pa personanan normal cu no ta tin un negoshi, e boet ta conforme artikel 28 di e ley, pa un persona natural por ta maximo 10,000 florin, mientras pa personanan cu tin negoshi e boet por ta maximo 25,000 florin.

Esakinan ta sumanan hopi halto, cu hendenan tin cu cuminsa compronde, cu e boetnan aki, conforme artikel 29 por wordo impone, tanto ariba un persona cu negoshi como un persona natural.

Hassell ta spera cu e poblacion por bira mas consciente y cu tin ley cu mester cumpli cun’e. Pero den e casonan aki, tur hende cu ta emplea un ilegal, por haya un boet. Y te ora cu cuminsa mishi cu cartera di e persona, e ora ey lo por cuminsa controla e problema di ilegalidad.

 

EXTENSION

Por ultimo, Trudy Hassel a splica cu na momento di pidi verlenging, e garante mester por garantisa cu e persona aki no ta traha, y si e wordo haya ta traha, e lo wordo deporta y si ta pa prome biaha, esaki lo ta pa un periodo di 18 luna.

E di dos biaha, e ta 24 luna. Y asina e ta sigui aumenta. E informacion aki ta bon pa tur hende ta na altura di dje. Y tambe tin e regla, cu na momento cu’n persona wordo deporta pa tres biaha, e di cuater biaha e ta bira un expulsion. Y esaki tin consecuencianan hopi serio y hopi hende no ta consciente di esaki of no ta bon informa.

- Advertisement -

DUNA COMENTARIO

Please enter your comment!
Please enter your name here