Home Economia Aruba cu Hulanda a anuncia cu Fondo di Desaroyo FDA a yena...

Aruba cu Hulanda a anuncia cu Fondo di Desaroyo FDA a yena su fin

101
0
SHARE
- Advertisement -

ORANJESTAD (AAN): Diamars dia 3 di juli na Aruba, Ministro Presidente di Aruba, Evelyn Wever-Croes, y secretario di estado di Asuntonan Interior y di Relacionnan di Reino, Raymond Knops, a bay di acuerdo pa loke ta trata destinacion di e ultimo recursonan cu a resta di Fondo Desaroyo Aruba (FDA).

Cu likidacion di FDA pa fin di september proximo, formalmente ta yega un fin na e relacion di cooperacion entre Aruba y Hulanda den e forma aki. Di awo padilanti Hulanda lo por, cu e fondonan modera riba e capitulo di presupuesto Relacionnan di Reino, sostene iniciativanan di Aruba na un forma dirigi.  Por ehempel, den yuda na stablece contacto y habri experticio.

Un parti sustancial di e recursonan di FDA ta bay pa “Integraal Sociaal Plan Aruba” (Plan Social Integral Aruba) y lo uza esaki pa fortificacion di proteccion di mucha na Aruba. Cu esaki Hulanda ta cumpli cu e peticion di Minister di Asuntonan Social y di Labor di Aruba pa brinda yudansa tecnico pa ehecucion di e “Plan van Aanpak Kinderbescherming” (Plan di Acercamento di Proteccion di Mucha) cu Unicef ta formulando. Hulanda ta considerando pa uza e resto di e contribucion Hulandes pa fortificacion di mantencion di ley na Aruba. Cu e resto di e fondonan di Aruba lo renoba e monumento L.G. Smith Boulevard 76 (Oficina di Gobierno). E renobacion aki lo contribui na mantenemento di e monumento protegi aki y tambe e conservacion  di e construccion di e proyecto nobo y acomodacion di conseho di ministronan, “Cocolishi”, cu FDA a financia na aña 2013.

E seis programanan di mas aña di FDA a keda ehecuta for di aña 2000 te mita di aña 2017, den cuadro di un forma nobo di e relacion di cooperacion entre Aruba y Hulanda. Cu fondonan di FDA a financia total 763 proyecto estatal, cu un balor total di 500 miyon Florin (263 miyon y pico Euro), reparti den e sectornan: calidad di maneho, enseñansa, salud publico, desaroyo economico duradero, mantencion di ley y Producto Aruba, cu entre otro como meta, revitalisacion y mehoracion di calidad di bida di centro di ciudad y San Nicolas. For di tempo di fundacion di FDA, Hulanda a deposita casi 291 miyon Florin (153 miyon Euro) den e fondo di desaroyo FDA y Aruba casi 251 miyon Florin (132 miyon Euro). E ultimo deposito di Hulanda tabata na januari 2013. E contribucion financiero Hulandes den FDA tabata forma parti di un pakete mas amplio di programanan di cooperacion den e tres Paisnan di e parti Caribeño di Reino.

Anticipando riba e relacion nobo y mas independiente entre e partnernan di Reino, na januari 2013 Hulanda a contribui financieramente pa di ultimo biaha na e programanan di mas aña di Aruba via FDA.

- Advertisement -

DUNA COMENTARIO

Please enter your comment!
Please enter your name here