Home Deporte Aruba Karate Bond a trece 9 medaya pa Aruba di ‘4th Caribbean...

Aruba Karate Bond a trece 9 medaya pa Aruba di ‘4th Caribbean Karate Championship Curaçao 2018’

37
0
SHARE
- Advertisement -

ORANJESTAD (AAN) – Recientemente Aruba Karate Bond tabata di bishita na nos isla ruman Corsow pa participa na e ‘4th Caribbean Karate Championship Curaçao 2018’. Na e campeonato aki, Aruba a enfrenta Trinidad & Tobago, Cayman Islands, Santo Domingo, Corsow y Boneiro. Hunto, e karatekanan Maresha Tromp, Janilaine Bello, Silvana Agudelo, Keven Prada, Alejandro Gonzalez Lujan y Kevin Lugo a trece 9 medaya (2 oro, 5 zilver, 2 brons) pa Aruba. E karatekanan ta contento cu nan prestacion. Nan experiencia na Corsow ta duna nan extra motivacion pa sigui cu mas animo padilanti.

Assistantcoach di Aruba Karate Bond, ‘sensei’ Lucio Alberto Gonzalez ta satisfecho cu e trabou di e karatekanan. E ta kere cu cada un a haci nan maximo esfuerzo. Mas cu claro, e ta realisa su mes tambe cu mester sigui traha duro pa por yega mas leu. E caminda ta largo pero sigur no imposibel. Ta wak ora bo ta participa den exterior cu e nivel di competencia ta halto. Mester haci uzo di e oportunidadnan aki pa sigui haya mas experiencia, mas ‘fogeo’.

Otro persona contento cu e prestacion di e karatekanan di Aruba ta ‘Sensei’ Felix Tromp, presidente di Aruba Karate Bond. Su persona a haci uzo di e oportunidad na Corsow pa reconecta cu tur organisacion di karate presente y intercambia ideanan pa proyectonan nobo. A gradici ‘sensei’ William Millerson, vice-presidente di ‘World Karate Federation’ pa su invitacion y apoyo cu su persona ta dunando Aruba.

Un felicitacion di Aruba Karate Bond pa e seleccion. Tambe Aruba Karate Bond ta gradici e ekipo di coach, tur instructor (‘sensei’) di e karatekanan den seleccion (esta ‘Sensei’ Luis Escalona di dojo Shibumi, ‘Sensei’ Jose Vivas y ‘Sensei’ Ligia Perregil di Ryubu-Kai Aruba y ‘Sensei’ Robert Silva di dojo Shoshinkai), e fotografo Jacinto de Jesus (Corsow), tur mayor, tur boluntario, Comite Olimpico Aruba (COA), Aruba Sport Unie (ASU), Stichting Sportsubsidie Aruba (SSA) y Lotto pa Deporte.

- Advertisement -

DUNA COMENTARIO

Please enter your comment!
Please enter your name here