Home arte y espectaculo Aruba orguyoso cu cancion di Jeon a resona na final di Copa...

Aruba orguyoso cu cancion di Jeon a resona na final di Copa Mundial 2018 na Rusia

754
0
SHARE
- Advertisement -

ORANJESTAD (AAN): Pa hopi Arubiano, tabata un orguyo grandi ora cu Diadomingo durante e ceremonia di despedida pa Copa Mundial Rusia 2018, cu diripiente e cantante di Puerto Rico, Nicky Jam a cuminza canta e cancion X (“Equis”).

E cancion aki, “X” a wordo traha pa Nicky Jam y J Balvin di Colombia, y a wordo co-produci pa e talento di Aruba, esta Jeon.  E otro producer ta Afro Bros.

DIARIO a tuma nota cu hopi hende riba social media a expresa nan orguyo, satisfaccion, y nan aprobacion cu un cancion di un Arubiano a resona via speakernan di Stadion Luzhniki na Moscu.

Ministro di Cultura, Xiomara Maduro ta uno cu inmediatamente a emiti un mensahe, undael a mustra con e composicion di Jeon a zona den mundial.   E ta mustra aki cu Aruba ta orguyoso di Jeon.

Ademas di e cancion “X”, Nicky Jam a canta tambe e cancion cu a bira e ‘cancion oficial di Mundial”, esta “Live it Up”.  El a canta esaki riba escenario mey-mey di Luzhniki hunto cu e cantante di Kosovo, esta Era Istrefi, y tambe cu e cantante/actor Mericano, Will Smith.

Nicky Jam di 37 aña di edad a subi escenario bisti cu un shirt cu e cara di J Balvin riba dje imprimi.

DIARIO ta felicita Jeon, cu un cancion di dje a resona rond mundo pa miyones di hende, y canta pa Nicky Jam.

- Advertisement -

DUNA COMENTARIO

Please enter your comment!
Please enter your name here