Home Policial Asina amigonan a despedi di Wendell na Tanki Flip

Asina amigonan a despedi di Wendell na Tanki Flip

1241
0
SHARE
- Advertisement -

ORANJESTAD (AAN): Diaranzon merdia a tuma lugar entiero di e hoben Wendell de Leeuw, kende siman pasa a fayece den accident tragico.

Despues di a ricibi condoleer na Royal Funeral Home na Tarabana, e corteho funebre a sali rumbo pa Misa di Noord.

Manera a ser planea, ora cu nan a yega na Tanki Flip na altura di Isla Bonita Mall, nan a stop pa un rato.  Esaki ta unda Wendell, mihor conoci como “Djaka Muis” a perde su bida.

Di e forma aki, su amigonan den mundo di Motor Sports, a rindi tributo un rato. Aparte cu a pone un kraans caminda cu e hoben aki a fayece, tambe a tuma lugar poco burnout cu brommer y quadracers, ya cu na bida e hoben aki tambe a forma parti di e mundo di motorcycle y ta custumber ya caba, cu amigo y conocirnan ta rindi tributo di e forma aki.  Nan a core cu e quadracer di Wendell tambe eynan.

Despues di esey, e corteho funebre a sigui pa Misa Santa Anna na Noord.

DIARIO ta manda palabra di hopi forza na su famia y amistad nan cu a keda atras cu un bashi hopi grandi.  Cu Wendell sosega na paz.

- Advertisement -

DUNA COMENTARIO

Please enter your comment!
Please enter your name here