Home Religion y Espiritualidad Atan Lee a entrega carta na Nuncio Apostolico pidiendo pa un obispo...

Atan Lee a entrega carta na Nuncio Apostolico pidiendo pa un obispo pa Aruba

227
0
SHARE
- Advertisement -

ORANJESTAD   (AAN): Durante presencia di e Nuncio Apostolico Fortunatus Nwachukwu na Aruba, a tene un misa tambe na Savaneta. Nuncio ta representante di Papa Francisco den e area di Caribe. Durante e presencia di e Nuncio y su celebracion di Misa, a entrega un carta seya den un envelop. Ta trata aki di un carta cu un peticion pa un Obispo tambe pa Aruba. Awor aki nos tin un obispo pa e islanan, cual ta obispo Luis Antonio Secco. Atan Lee a haci entrega di e carta aki. Durante entrevista cu Atan Lee el a splica mas.

Sr. Lee a splica cu despues cu nos a haya nos Status Aparte, cu nos tin nos propio gobernador, nos tin nos propio parlamento y ministernan, a yega momento pa nos tin nos propio obispo. Por ta obispo Secco ta haciendo un bon trabao, pero ta dificil pa distancia y tambe pa bo por maneha seis isla pareu y seis isla cu diferente cultura. Aruba tin otro cultura, por ehempel cu e otro islanan. Lee a haci uzo di e oportunidad na e Nuncio un peticion na nomber di e comision nacional cual e ta presidi. E comision nacional ta celebra e fiesta patronal di nos comunidad, cu ta Fiesta di mama Maria cu lo ta na October. Lee a pidi’e di henter su curason pa tuma e carta na serio, ya cu nos ta un pueblo hopi religioso. Nos tin riba 80% ta catolico. Kisas no ta tur ta cumpli, pero hopi di nan ta percura pa nan yiu wordo batisa of ricibi prome comunion, etc. Nos mester un obispo pa por dirigi e pueblo aki.

Aruba tin 120 mil habitante y nos tin 9 parokia. Den nos cercania tin hopi pais chikito cu despues nan a haya nan independencia, a haya nan propio obispo. Por bisa por ehempel Bermuda, cu tin apenas 3 pastoor, tin un obispo. Antigua, cual ta 40% so di catolico y menos habitante cu Aruba, tin su obispo. Asina por keda menciona. Den hopi pueblo tambe, manera paisnan grandi den nos region, nan tin nan obispo pa por dirigi e pueblo di Dios. Esey ta importante pa nos resa y pa Spirito Santo ilumin’e y tambe Papa pa Aruba por haya su obispo.

Nos clero catolico, no publicamente, hopi di nan ta desea pa Aruba tin su propio obispo. Lee a haya bon sosten di nan pa nan por entrega e carta. Nan tin obediencia te na final na nan obispo, pero si por bisa cu Lee ta sinti e apoyo di nan parti cu Aruba mester di su obispo.

Atan Lee a splica cu den pasado a yega di presenta e deseo aki. Pero pa un of otro motibo no a bay door. Awor aki e deseo ferviente cu tin den nos comunidad y tambe bao di clero, si ta yega un momento cu nos por haya nos obispo. Lee tin un fe grandi.

Diabierna mainta a trata esaki caba. A papia riba e posibilidad pa Aruba tin su propio obispado cu nos por bisa mañan, cu Aruba tin su obispado di Oranjestad. Esaki lo haci Aruba contento cu Dios, na prome luga, por bendiciona nos pais cu un obispo. Un obispo pa un pais ta algo hopi grandi. E ta percura pa e union keda semper entre tur clero y tambe tur e fielnan catolico. Pesey ta importante pa nos tin nos obispo.

Nos tin awor aki solamente un pastoor, cu ta activo, kende ta haci su best riba diferente tereno, manera programa di television, e tin su mesun corant, e ta bay den tur parokia. E no ta traha den parokia di Santa Cruz so. Hopi biaha ta top’e ta haci misa na Playa, na Dakota, na Noord, etc. E ta yiu di e tera aki. Ta lamentabel cu no tin mas pastoor di Aruba. Deseo ferviente cu un di e yiunan di Lee por ta pastoor, pero e no a concretisa su deseo. E ta desea si cu mas yiu di tera por tuma e yamada di Cristo. Hopi tin e yamada, pero tin miedo di tuma e yamada eynan na serio.

 

E lucha pa nos fe

Si bay riba internet, por ehempel YouTube, por mira testimonio di pastoornan con nan a yega pa ta pastoor. Si tende testimonio di laiconan con pa yega pa cambia pa bira pastoor asina ferviente na Sagrado Curason y mama Maria, ta haya ehempelnan pa miedo. Lee no tin miedo di profesa su fe ni di papia. E pais aki, al fin y al cabo ta di nos. Nos mester lucha p’e. Nos mester lucha te na final. Nos no por laga otro idealnan, manera misionnan cu hende cu ta kere den un pastoor, cu a studia simplemente e bijbel y despues nada mas.

Nos pastoornan ta pastoornan bon studia pa pueblo por realisa. Nan ta studia teologia, sociologia, etc. Ta un estudio di 8 pa 9 aña largo. Nan ta bin pa trece e mensahe den nomber di Cristo Hesus. Sin pidi 10 porciento di bo salario. Nan tey simplemente pa sirbi comunidad. Nos tur tin eror. Nan tambe ta comete eror, nan tambe ta hende.

Esey no ta un hecho cu nos por bisa cu nos mester laga esey un banda y sigui e yamada di Cristo cu nos mayornan a inculca den nos. Si nos conoce e Aruba crioyo, e Aruba di Antes, e Aruba autentico, nos a lanta cu nos rosario den man.

Den misa, Lee a pidi cu su rosario den su mannan pa ilumina e Nuncio y tambe ilumina Lee mes pa e por a hiba e mensahe.

Di chikito el a lanta cu su fe cristian catolico y ban mantene esey. Con cu bay bin, esey ta nos fe Lee a termina.

- Advertisement -

DUNA COMENTARIO

Please enter your comment!
Please enter your name here