Na Sero Biento
ORANJESTAD(AAN): Un atraco a tuma luga riba un comerciante. Diasabra anochi polis a worde manda na Sero Biento.
Segun informe tin un homber cu a worde atraca pa dos homber net pafo di cas. Polis di Santa Cruz a yega mesora na e lugar. A papia cu e homber cu a yega cas despues di sera su negoshi.
El a conta cu e hombernan a presenta riba dje. Un cu cara tapa y bay cu su tas preto cu placa di e negoshi. Nan a core bay despues. Ta kere cu nan ta Venezolano mirando e accento. El a reconoce e stem bon bon. Mirando e caso serio a avisa mesora atraco team. Polis a atende cu e ciudadano den su cura di cas mes ma Sero Biento y tuma e declaracion.
Un total di 7.000 Dollar, e anti-social a logra bay cune den e tas preto. No ta conoci si acaso lo por tin Security Camera cu por yuda autoridad den e investigacion.
