Home Comercio Aumento di impuesto lo costa cada trahador na Aruba mil florin average...

Aumento di impuesto lo costa cada trahador na Aruba mil florin average pa aña

372
0
SHARE
- Advertisement -

KvK ta preveni pueblo pa cuida gasto:

ORANJESTAD (AAN) – Economista drs. Randall Croes, di Camara di Comercio y Industria, den conferencia di prensa reciente, a indica cu e pago di impuesto den su totalidad, lo resulta hopi pisa.

Drs. Randall Croes a señala cu tin diferente suma a wordo nombra, pero como ehemplo, cu el a menciona cu si ta 80 miyon gobierno ta bay cobra como impuesto extra, for di 80 mil adulto cu ta traha (70 mil local y 10 mi stranhero), esey kiermen cu cada un di nan lo paga, pa aña como suma average.

Esaki kitando e aumento di airport tax cu turistanan ta paga cu ta un alivio pa caha di gobierno.

El a subraya cu un famia cu tin dos adulto cu ta traha ta 2 mil florin extra di impuesto anualmente, y e ta bay ta pisa.

Camara di comercio ta preveni tur hende pa cuida nan placa bon, pa maneha nan entrada y nan presupuesto bon, mescos pa e empresarionan pasobra e lo afecta benta debi cu e consumidor lo defende su cartera y su debit card. E Impacto cerca comerciante lo bay bira un reduccion di benta, muy posiblemente.

E consumidor lo tin cu reduci su gastonan pa por afford, pasobra un bez cu un producto bay di un supplier pa un revendedor, e costo di e empresario lo subi cu 2.5% ora e cumpra e producto for di e mayorista, y ora e bende cu e publico ey ta bin e 2.5% di dje tambe riba e factura, cu ta minimo 5% di impacto riba e prijs, si e pasa dos scale.

Si e importador ta trece e container directamente for di Merca, parkeer dilanti su porta y baha e producto el a scapa un scale. Kiermen, tanto pa nos economia como pa nos poblacion, e trahadornan KvK ta pidi pa maneha bon nan presupuesto, maneha nan negoshi bon y cuida bon e gastonan pa preserva bienestar.

Drs. Randall Croes a subraya cu en principio e gastonan di gobierno ta hopi halto. E problema no ta cu pueblo ta pagando masha poco belasting. E costo di gobierno ta halto y mester reducie door di baha gasto mas agresivamente, “Y mescos cu a traha oranan largo pa diseña e pakete di impuesto aki, nos ta spera di gobierno un comision cu lo bay traha oranan largo, te laat di madruga cu pa gobierno lo bay ta hopi dificil pa topa cune, pasobra e ta bay ta trahando duro riba con pa baha gasto”, drs. Randall Croes a subraya.

Tin diferente alternativa, e funcionario di KvK a indica. El a menciona un cu a wordo aplica na Europa, pa hopi tempo. Un hende cu ta trahando pa hopi aña caba, si e ta ganando 3.500 florin, por ehemplo, si e haya un trabao na sector priva gobierno ta sigui pague 200 florin pa luna, sin worry unda e ta bay traha, ta djis manda e placa riba su cuenta. Pero si e no ta haya otro trabao e ta baha su salario na 2000 fls te dia cu e bay cu pension, pero p’e sali for di payroll, gasto di pension ta baha pa gobierno, gasto di salario ta baha, y otro gastonan di operacion tambe ta baha (manera gasto di telefon, coriente, etc).

Randall Croes a indica cu si 100 hende haci uso di esey, ya gobierno tin 2000 mil florin pa luna y den cinco luna ya a spaar un miyon.

E ta sugeri gobierno pa papia cu e sindicatonan y expertonan wak con por yega na ideanan creativo, baha gasto di coriente y bira mas eficiente.

- Advertisement -

DUNA COMENTARIO

Please enter your comment!
Please enter your name here