Home Policial Autoridad ta teme pa bida di homber herida den explosion na Papilon

Autoridad ta teme pa bida di homber herida den explosion na Papilon

408
0
SHARE
- Advertisement -

ORANJESTAD(AAN): Diahuebs madruga un cylinder a rementa den apartment na Papilon.  Habitantenan di e compleho di apartment a bati alarma ora e a scucha e sonido fuerte manera un explosion.

Polis a presenta na e lugar, y bin topa cu un ciudadano masculino ta grita di dolor, cu kemadura serio riba su curpa.

E homber tabatin un cylinder chikito di gas paden di e apartment, y nan ta sospecha cu e cylinder no tabata conecta na e stove.

Brandweer tambe a presenta na e lugar pa controla e apartment y percura pa paga un candela chikito cu tabatin paden.

E victima a wordo identifica como Leopoldo C., y e tabatin kemadura hopi serio na cu cara, garganta, pecho y brasa.

Ambulance a transporte pa hospital. Diahuebs merdia specialistanan a evalua e caso y dicidi pa transporte pa Colombia cu urgencia den AirAmbulance.

- Advertisement -

DUNA COMENTARIO

Please enter your comment!
Please enter your name here