Home Enseñanza AZV lo manda e studiantenan un flyer via email tocante cancelacion di...

AZV lo manda e studiantenan un flyer via email tocante cancelacion di nan Zorgpas

23
0
SHARE
- Advertisement -

Studiantenan cu ta bayendo Hulanda

ORANJESTAD  (AAN):   Solange Tchong, Relacionista Publico di AZV, ta splica cu AZV semper tabatin e sistema di cera nan oficina un of dia specialmente p’e studiantenan cu ta bay studia den exterior, pero e aña tin un cambio.

AZV ta trahando directamente cu Departamento di Enseñansa y a yega na un colaboracion hopi mas cerca cu otro. Ta asina cu Departamento di Enseñansa lo provee e lista di studiantenan cu ta bay cu Arubalening.

 

Esnan cu ta bay Hulanda

Den esaki tin mas o menos dos of tres grupo principal. E prome grupo ta cu ta bay sali dia 4 of 5 di Augustus rumbo pa Hulanda. Y semper tabata asina cu AZV ta cera oficina pa un of dos dia p’e studiantenan por pasa entrega nan Zorgpas y haya un comprobante cu nan tabata asegura na AZV, pero aworaki ta bay tin un cambio.

E aña aki, Departamento di Enseñansa mes lo bay manda e studiantenan un email den cual nan lo ricibi un flyer di AZV cu lo describi nan cancelacion di inscripcion na AZV.

E flyer lo splica nan solamente di e palabracionnan cu tin, esta una bes AZV ricibi e lista di Departamento di Enseñansa, AZV mes lo percura pa cancela nan inscripcion na AZV. Mas facil aworaki ta cu e studiante na cualkier ora entre 7:30 am pa 4:00 pm por pasa entrega nan Zorgpas.

 

FLYER lo ta mescos cu un zorgpas te ora nan subi avion

E importante ta cu e flyer di AZV cu nan ricibi via nan email lo ta e comprobante di seguro te na momento cu nan subi nan avion y bay Hulanda. Esaki ta importante, pasobra AZV a yega di haya nan mes den pasado cu studiantenan cu a “schrijf uit” na Censo y AZV a bira malo prome cu viaha pa Hulanda.

 

Otro casonan

Banda di esaki, ta recorda e otro studiantenan cu ta viaha riba otro fechanan of ta viaha pa otro pais riba nan propio costo cu pa nan si ta keda importante pa nan pasa AZV cu nan Zorgpas y percura pa nan bin cu nan ticket di viahe, pasobra nan lo ricibi un carta cu lo cubri e dianan cu nan a “schrijf uit” na Censo te cu ora nan subi avion pa bay otro pais.

- Advertisement -

DUNA COMENTARIO

Please enter your comment!
Please enter your name here