Home Salud Cada luna Hospital di Aruba ta atende 20 pacient cu problema di...

Cada luna Hospital di Aruba ta atende 20 pacient cu problema di higra

72
0
SHARE
- Advertisement -

ORANJESTAD(AAN): Segun Natasha Jreige Iskandar, specialista di higra, na Hospital ta tuma por lo menos 4 pa 5 pashent cu sirosis pa siman. Nan mester di tratamento di hospital door cu nan tin algun complicacion relaciona cu sirosis. Tur pashent cu tin complicacion debi na sirosis, ta pashentnan serio. Tur complicacion di sirosis ta complicacionnan serio.

Na Aruba tin mas hepatitis C cu hepatitis B. Pero afortunadamente tin hopi pashent cu tin hepatitis B cu C. Pero tur ta ricibi tratamento via AZV.

Tatuahe:

Hopi aña pasa, den careda di 1970, e virus di hepatisis C no tabata conoci. Ningun hende no tabata sa cu Hepatitis C tabata tey. Si tabata sa cu tabata tin un tipo di hepatitis cu tabata yam’e ni A ni B, te ora cu a logra mira debi cu tabata tin un otro virus cu tabata Hepatitis C. A descubri cu compartiendo hangua e virus di hepatitis C por preveni si haci uzo semper di un hangua limpi.

Na Aruba, si bo haci un tatuahe, esun cu ta haci’e mester uza semper un hangua nobo. Tur e hanguanan usa mester benta nan afo.

Recuperacion:

Hepatitis alcoholico ta curabel ta depende di e momento cu bo ta stop di bebe. Na momento cu e diagnostico worde haci. Ora cu bo ta cuminsa bebe, bo ta haya inflamacion na bo higra. E inflamacion ta bira mas fuerte rato pa rato, te na un momento cu bo higra ta haya sirosis. E sirosis ta producto di inflamacion cronico cu ta cambia e arkitectura di un higra normal.

Ora cu e arkitectura di e higra a worde cambia door cu e proceso inflamatorio, e higra no ta traha mas. E ta un proceso ireversibel. Con bo por previni’e, ta pa stop di bebe. Si bo stop uzo di alcohol na tempo, manera cu prome cu bo haya sirosis, bo higra ta un organo hopi noble, cu por recupera 100% si bo stop di bebe na e momento adecua.

Si e ta hepatitis, por ehempel Hepatitis B, mester di tratamento cu pildo pa resto di bo bida. Si e ta hepatitis C, awo tin tratamento cu pildo 12 of 24 siman, por cura e hepatitis C. Si e virus di e hepatitis B of e virus di hepatitis C a causa caba sirosis, bo por trata e virus, pero bo no por trata e sirosis.

Bo ta trata e virus door cu e virus di hepatitis C y e hepatitis B, ta incrementa e riesgo pa bo haya cancer di higra. Si bo ta trata e virus, bo ta disminui e riesgo cu e pashent por tin pa haya cancer di higra. Pero bo no ta cura e sirosis cu tey caba.

- Advertisement -

DUNA COMENTARIO

Please enter your comment!
Please enter your name here