Home Impuesto Cada siman aproximadamente 200 cliente ta haya placa di restitutie di Departamento...

Cada siman aproximadamente 200 cliente ta haya placa di restitutie di Departamento di Impuesto

160
0
SHARE
- Advertisement -

ORANJESTAD  (AAN): Den combersacion cu directora di Departamento di Impuesto, Luenne Gomez-Pieters, a splica cu nan tin algun un team special cu ta traha riba e parti di resitutie di placa di belasting na clientenan. Cada siman aproximadamente 200 cliente ta haya nan placa bek di belasting.

Pa loke ta trata restitutie di aña 2013, sra. Pieters a splica cu nan a saca 40.948 aangiftebiljetten 2013 y cu a logra procesa 31.001 formulario. Mester menciona cu tin 8.026 cliente cu falta ainda pa entrega nan formulario di inkomstenbelasting 2013. Pa loke ta trata aña 2014 a saca 41.882 formulario y di esaki a ricibi bek 30.588. Pues falta mas di 11 mil cliente cu no a entrega nan formulario.

E director di DIMP ta haci un apelacion na esnan cu no a entrega nan formulario di inkomstenbelasting ainda pa haci esaki mas lihe cu posibel pa e por wordo procesa. Te cu awo tin 15.754 formulario cu a procesa y falta mas cu 14 mil ainda pa procesa di 2014 cu ta wordo haci door di un team di aproximadamente 7 persona cu ta encarga cu data entry. Nan ta traha di mainta te atardi riba solamente e informacionnan aki y ta e intencion pa caba di procesa 2014 pa fin di juli y/of cuminsamento di augustus 2018. E aña aki ainda tin 2015 y parcialmente 2016 pa procesa pa asina corta cu e atraso acumula den ultimo añanan..

Esnan cu no ta cumpli pa entrega e aangiftenan segun stipula den ley, ta core e riesgo cu un Inspector mester ta saca un “ambtshalve aanslag” cu ta basa ariba un promedio. .

Na momento cu yega na e conclusion cu un cliente ta bini na remarca pa restitutie, ta bay averigua si e cliente en cuestion tin algun debe habri na DIMP. Por ehempel ta papia di Grondbelasting y/of erfpacht y lo compensa esaki. Si resta algo despues di e compensacion e cliente ta haya e resto di suma ariba su cuenta bancario. Mester menciona cu DIMP ta trahando cu masa di cliente y tur siman tin rond di 200 cliente cu ta haya nan pago di restitutie. Tur ta wordo poni riba lista pa por wordo procesa y ta pidi comprension pa asina tur hende yega na beurt.

- Advertisement -

DUNA COMENTARIO

Please enter your comment!
Please enter your name here